އާ ސަރުކާރުގެ އެގްރިކަލްޗަ މިނިސްޓަރު ޑރ. އައިޝަތު ރަމީލާ ކެންސަރަށް ޑައިގްނޯޒްވެ ފަރުވާ ހޯއްދަވަން ފައްޓަވައިފި އެވެ.
މި މަހުގެ 17 ވަނަ ދުވަހުގެ ރޭ މިނިސްޓަރުކަމުގެ ހުވާކުރެއްވި ރަމީލާ ފޭސްބުކް ޕޯސްޓެއްގައި މިއަދު ވިދާޅުވީ ކެންސަރަށް ޑައިގްނޯސްވުމާ ގުޅިގެން ކީމޯ އާއި ރޭޑިއޭޝަން ތެރަޕީ ނެގުމަށް ރާއްޖޭން ބޭރަށް ވަޑައިގަންނަވަން ވެސް ނިންމަވާފައިވާ ކަމަށެވެ. ފަރުވާ ހޯއްދަވަން ހަމަޖެހިފައި ވަނީ އިންޑިއާއިންނެވެ،
ބައްޔާ ގުޅޭ ގޮތުން މާ ބޮޑު ތަފުސީލަކަށް ވަޑައިނުގެން އެކަ މަނާ ވިދާޅުވީ ބަލި ޖެހިފައިވާކަން އެނގިވަޑައިގަތީ ކެންސަރުގެ އެންމެ ފަހު ސްޓޭޖުގައި ކަމަށެވެ.
"ވަރަށް ބަރު ހިތަކާ އެކު މި ވަގުތަށް އެންމެންނާ މި ވަކިވަނީ. ﷲ ގެ އިރާދަފުޅާ އެކު އަލުން ބައްދަލުވާނެ،" ރަމީލާ ވިދާޅުވި އެވެ.
ރަމީލާ އަކީ ކުރިން ނަރުހެއްގެ ގޮތުގައި ވެސް މަސައްކަތްކުރެއްވި ބޭފުޅެކެވެ. އޭނަ ކުރިން ހެލްތު މިނިސްޓްރީގެ ސްޓޭޓް މިނިސްޓަރުކަން ދެ ފަހަރެއްގެ މަތިން ކުރިން އަދާކުރެއްވި އެވެ. ކުރައްވާފަ އެވެ.
އޭނަ ސޯޝަލް ސައިންސްގެ ދާއިރާއިން މެލޭޝިއާއިން ޕީއެޗްޑީވެސް ހާސިލުކުރެއްވީ 2010 ގަ އެވެ.