ނޭޝަނަލް ސޯޝަލް ޕްރޮޓެކްޝަން އެޖެންސީ (އެންސްޕާ)ގެ ޗީފް އެގްޒެކެޓިވް އޮފިސަރ، ސީއީއޯއަކަށް ހީނާ ވަލީދު އައްޔަންކޮށްފިއެވެ.
ޕީޕީއެމްގެ ސްޕޯކްސްޕާސަންގެ މަޤާމު އަދާ ކުރައްވަމުން ގެންދަވާ ހިނާ އަކީ މީޑިއާ ދައިރާގައި ގިނަ އަހަރުތަކެއް ވަންދެން މަސައްކަތް ކުރައްވާފައިވާ ބޭފުޅެކެވެ. އެގޮތުން ޓީވީއެމްގައި 17 އަހަރު ވަނީ މަސައްކަތް ކުރައްވާފައެވެ.
ހީނާ އަކީ ކޮމިއުނިކޭޝަން އަދި ޖާނަލިޒަމް ދައިރާއިން ތަޢުލީމް ހާސިލް ކުރައްވައިގެން ހުންނެވި ބޭފުޅެކެވެ. މީގެ އިތުރުން ޕޮލިޓިކަލް އެންޑް އިންޓަނޭޝަނަލް އެފެއާޒް ދައިރާއިން މިވަގުތު މާސްޓާސް ދަނީ ހާސިލް ކުރައްމުންނެވެ.
އޭނާ ވަނީ މީގެ ކުރިން ފޮރިން މިނިސްޓްރީގެ ޕޮލިޓިކަލް ޑިރެކްޓަރގެ މަޤާމުވެސް އަދާ ކުރައްވާފައެވެ.