އުރީދޫ ފަން ރަންގައި ބައިވެރިވުމުގެ ސުންގަނޑި މާދަމާ ރޭ 12:00 ޖެހުމާއި ހަމައަށް ހަމަވާނެ ކަމަށް އެކުންފުނިން ހާމަކޮށްފިއެވެ.
އެކުންފުނިން މި ރަންގައި ބައިވެރިވުމުގެ ފުރުސަތު ހުޅުވާލީ މިމަހުގެ 5 ވަނަ ދުވަހުއެވެ. މިރަންގެ ބައިވެރިވުމުގެ ސުންގަނޑި އަކީ މިމަހުގެ 30 ވަނަ ދުވަހު ރޭގަނޑު 12:00 ޖެހުމާއި ހަމައަށެވެ. ރަންގައި އޮންލައިންކޮށް ބައިވެރިވުމުގެ ފުރުސަތު އުރީދޫއިން ދީފައިވާއިރު ބިބް ތަކުގައި ކަސްޓަމައިޒްކޮށް ބޭނުން ނަމެއް ޖެހުމުގެ ފުރުސަތު ވެސް އުރީދޫއިން ވަނީ ދީފައެވެ.
އުރީދޫ ފަން ރަން ބިބް ގައި ނަން ޖެއްސަވާނެ ގޮތް:
1. ރެޖިސްޓަރ ކޮށްލުމަށް މޫލީއަށް ޒިޔާރަތްކޮށްލައްވާ: https://mool.ee/funrun2023
2. ބޭނުންވާ ކިޓާއި ސައިޒު އިޚްތިޔާރުކޮށް ކާޓް އަށް އެޑް ކޮށްލައްވާ
3. ކާޓް އިޚްތިޔާރުކޮށް ޗެކްއައުޓް ކުރައްވާ
4. ޑެލިވަރީ އެޑްރެސް އިޚްތިޔާރު ކުރައްވާ
5. ސްޕެޝަލް އިންސްޓްރަކްޝަން ބޮކްސްގައި ބިބްގައި ޖައްސަވަން ބޭނުންފުޅުވާ ނަން ނަން (ގިނަވެގެން 7 އަކުރު) ޖައްސަވާ
6. އޯޑަރ ކަށަވަރު ކުރެއްވުމަށް ފައިސާ ދައްކަވާ
އުރީދޫ ފަން ރަން ކިޓުތައް ދެ ކެޓަގަރީއަކަށް ވަނީ ބަހާލާފައެވެ. އެއީ 100ރ. އަށް ދޭ ފަން ރަން ޓީޝާޓާއި ރިސްޓް ބޭންޑެވެ. ދެވަނަ ކެޓަގަރީގެ ކިޓަކީ 200ރ. އަށް ދޭ ފަން ރަން ޓީޝާޓާއި ރިސްޓް ބޭންޑާއި، ފޮތި ކޮތަޅަކާއި، ލޮލުގައި އަޅާ ގޮގްލްސް އަދި މަލްޓި ޕާޕަސް ބަންޑަނާއެވެ.
6 އަހަރުން މަތީގެ ހުރިހާ ފަރާތްތަކަށް ފަން ރަން ގައި ބައިވެރިވުމުގެ ފުރުސަތު ހުޅުވާލައިފައިވާއިރު ތަފާތު ހަރަކާތްތަކެއް ހިމެނޭ 5 ކިލޯމީޓަރުގެ ކުރު ދުވުމަކީ އަލަށް ދުވާ ފަރާތްތަކާއި އާއްމުކޮށް ދުވާ ފަރާތްތަކަށްވެސް ބައިވެރިވުމަށް މަޖާ ދުވުމެއް ކަމަށް އުރީދޫއިން ބުނެއެވެ.
މި ރަންގެ އަމާޒަކީ، ދުޅަހެޔޮ ދިރިއުޅުމަކަށް، ދުވުމަކީ މަޖާ އަދި އުފާވެރިކަން ގެނުވަދޭނެ ހަރަކާތެއްކަން އަންގައިދިނުމެވެ. އެގޮތުން އުރީދޫ ފަން ރަންގައި ކޮންމެ ކިލޯމީޓަރ އެއް ދުވެ ނިމުމުން، ބެހެއްޓިފައިވާ ސްޓޭޝަންތަކުގައި، ކުލަގައިގެ އިތުރުން ފެނާއި ފޯމް އަދި މަޖާ ހަރަކާތްތަކެއް ކުރިއަށްދާނެއެވެ. މިއީ ވަކި ވަގުތެއްގެ ތެރޭގައި ނިންމަން ޖެހޭ ރޭހަކަށް ނުވާތީ، ހިނގާފަ، ޖޮގްކޮށްފަ، ދުވެފަ ނޫނީ ނަށަމުންވެސް މި ދުވުން ނިންމާލެވިދާނެއެވެ.
އުރީދޫ ފަން ރަން ގެ ހަރަކާތްތަކުގެ ތެރޭގައި 22 ޑިސެންބަރު 2023 ވާ ހުކުރު ދުވަހު ހެދުނު ހުޅުމާލޭގައި އުރީދޫ ޑްރޯން ރޭސް ބޭއްވުމަށް ހަމަ ޖެހިފައިވީ އިރު ހަވީރު ބޭއްވޭ ފަން ރަން އަށް ފަހު ރޭގަނޑު، އެހެން އަހަރުތަކެކޭ އެއްފަދައިން މަގުބޫލު ފަންނާނުންނާ އެކު ކުލަގަދަ މިއުޒިކް ޝޯއެއްވެސް ކުރިއަށްދާނެ އެވެ.