އެމްޓީސީސީ އިން ފެރީ އާއި ބަސް ދަތުރުގެ ހިދުމަތް ފޯރުކޮށްދިނުމުގައި ބޭނުންކުރާ ރާއްޖެ ޓްރާންސްޕޯޓް ލިންކް (އާރުޓީއެލް)ގެ އެޕްލިކޭޝަނަށް ޑިޖިޓަލް ވޮލެޓު ތައާރަފްކޮށްފިއެވެ.
'އާރުޓީއެލް ވޮލެޓު'ގެ ނަމުގައި އެޕްލިކޭޝަނަށް އިތުރުކުރި މި ފީޗާއަކީ ކުރީބައިގައި ފައިސާ ޖަމާކޮށްފައި ބެހެއްޓޭ ޑިޖިޓަލް ވޮލެޓެކެވެ. ވޮލެޓުގެ ޓޮޕް-އަޕް ނުވަތަ ފައިސާ ޖަމާކުރާ ފީޗާ ބޭނުންކުރެވޭނީ އާރުޓީއެލް އެޕްލިކޭޝަންގައި އީމެއިލް އާއި ފޯން ނަންބަރު ވެރިފައިކޮށްފައިވާ ފަރާތްތަކަށް ކަމަށް އެމްޓީސީސީން ބުނެއެވެ.
ވެރިފިކޭޝަން ޕްރޮސެސް ފުރިހަމަ ކުރުމުން އެޕްލިކޭޝަންގެ ޕްރޮފައިލްގައި އީމެއިލް އާއި ފޯން ނަންބަރާ ދިމާލުގައި ފެހި ކުލައިގެ ހެޔޮ ފާހަގައެއް ފެންނަން ފެންނާނެއެވެ.
Introducing the latest feature for our RTL Application, The RTL Wallet! Now you can top-up effortlessly and enjoy swift rides on any RTL bus with our convenient scan and ride feature. Just ensure your account is fully verified for seamless access! pic.twitter.com/pQ7OUXCQNH
— MTCC Plc (@MTCCPlc) November 29, 2023
މި ފީޗަރ ބޭނުން ކުރަން އެހާމެ ފަސޭހަ ވާނެ ކަމަށް އެމްޓީސީސީން ބުނެއެވެ. އެގޮތުން އެޕްލިކޭޝަނަށް ވަދެ، ވޮލެޓް ބައިން ޓޮޕް އަށް ފިތާލާނީއެވެ. އެހާ ހިސާބުން ކަސްޓަމަރު ބޭނުންވާ ބޭންކެއްގެ ކާޑުން ވޮލެޓަށް ފައިސާ ޖަމަޢު ކުރެވޭނެއެވެ. އޭގެ ފަހުން ސްކޭން އެންޑް ރައިޑްއަށް ފިތާލުމުން ދަތުރު ޓިކެޓެއް ގޮތުގައި ބޭނުން ކުރާނެ ކިއުއާރް ކޯޑެއް ޖެނެރޭޓް ކޮށްދޭނެއެވެ. އޭރުން ވޮލެޓުގައި އެކަށީގެންވާ ވަރަށް ފައިސާ ހުރިހާ ހިނދަކު އެ ކިއުއާރް ކޯޑު ސައްޙަ ވާނެ ކަމަށް އެމްޓީސީސީން ބުނެއެވެ.
ރާއްޖޭގެ އެކި ސަރަހައްދުތަކުގައި، މިހާރުވެސް ބަހުގެ ޚިދުމަތާއި ފެރީގެ ޚިދުމަތް އާރްޓީއެލް މެދުވެރިކޮށް ދެމުންދާއިރު ކޭޝްލެސް ރައިޑް މިހާރުވެސް އަތޮޅު ތެރެއަށް މާލޭ ސަރަހައްދުގެ އިތުރުން ލިބެއެވެ.