އައްޑޫސިޓީގައި ރޭ ދެ ގުރޫޕެއް ދެމެދު ހިންގި މާރާމާރީގައި އަނިޔާވި ޒުވާނާ މާލެ ފޮނުވުމަށް މަސައްކަތް ކުރަމުންދާ ކަމަށް އައްޑޫ އެކުއެޓޯރިއަލް ހޮސްޕިޓަލުން ބުނެފިއެވެ.
އޭއީއެޗްއިން މިކަމާއި ގުޅޭގޮތުން ބުނީ، އޭނާގެ ހާލު ސީރިއަސް ކަމަށެވެ. އެގޮތުން އޭނާގެ ބޮލަށް ތޫނު އެއްޗަކުން ހަމަލާ ދީފައިވާއިރު، އޭނާ ގައިގެ އެހެން ތަންތަނުގައވެ ޒަހަމްތައް ހުރި ކަމަށެވެ. އަދި މިހާރު އިތުރު ފަރުވާއަށް މާލެ ފޮނުވާލުމުގެ މަސައްކަތް ކުރަމުންދާ ކަމަށް އޭއީއެޗްއިން ބުނެއެވެ.
އޭނާއަށް އަށް ލިބިފައި ހުރި އަނިޔާތަކުގެ ފޮޓޯ ސޯޝަލް މިޑީއާގައި ދައުރުވަމުންދާއިރު، އޭނާ ނިއްކުރިން ބޮޑުތަނެއް ކަފައިގެން ވަނީ ގޮސްފައެވެ.
ރޭ ދެ ގްރޫޕެއް ދެމެދު ހިނގި މި މާރާމާރީގައި އަނިޔާވެފައިވަނީ އުމުރުން 30 އަހަރުގެ ޒުވާނަކަށެވެ. މި މާރާމާރީގެ އިތުރުން އައްޑޫގައި މިދުވަސްވަރު ސިލްސިލާ މާރާމާރީތަކެއް ހިންގަމުންދާއިރު، އައްޑޫސިޓީ ޕޮލިހުން ހާއްސަ އޮޕަރޭޝަނެއް ފަށާފައިވާކަން ވަނީ ހާމަކޮށްފައެވެ.
ފުލުހުން ވަނީ މިމައްސަލަ ތަހުޤީގު ކުރަމުންދާ ކަމަށް ބުނެފައެވެ.