ފަތުރުވެރިކަމުގެ ދައިރާގައި ދޭ އެންމެ މަޤްބޫލު އަދި އެންމެ ބޮޑު އެއް އެވޯޑު ކަމަށްވާ ވޯލްޑް ޓްރެވެލް އެވޯޑުގެ އަހަރު ޝަޙުސީއްޔަތުގެ އެވޯޑު ކުރީގެ ޓުއަރިޒަމް މިނިސްޓަރ އަބްދުﷲ މައުސޫމް ހާސިލްކޮށްފިއެވެ.
ވޯލްޑް ޓްރެވެލް އެވޯޑުގައި މިއަހަރުވެސް ރާއްޖެ ވަނީ ބޮޑެތި ކާމިޔާބީތަކެއް ލިބިފައެވެ. އޭގެ ތެރޭގައި ޖެހިޖެހިގެން 4 ވަނަ ފަހަރަށް ދުނިޔޭގެ އެންމެ މަޤްބޫލު މަންޒިލުގެ ޝަރަފު ރާއްޖެ ވަނީ ހާސިލްކޮށްފައެވެ. އަދި ދުނިޔޭގެ އެންމެ މަޤްބޫލު ޓުއަރިޒަމް ބޯޑުގެ ޝަރަފުވެސް ހޯދީ އެމްއެމްޕީއާރްސީންނެވެ. މީގެ އިތުރުންވެސް ރާއްޖޭގެ ރިސޯޓުތަކުން ވަނީ އެކި ކެޓަގަރީތަކުން އެވޯޑު ހާސިލްކޮށް މިއަހަރުވެސް ރާއްޖޭގެ ފަތުރުވެރިކަމަށް ކާމިޔާބު އަހަރެއްގެ ގޮތުގައި ދައްކައިދީފައެވެ.
Appreciate the @WTravelAwards World Travel Awards recognition and appreciation of my passion for travel & tourism. I dedicate this Travel Personality Award 2023 to the whole travel & tourism community, especially those in #Maldives.
Thank you!https://t.co/4rftRLOFYD pic.twitter.com/GzAnbcMGOO— Abdulla Mausoom (@Mausoom_Maus) December 2, 2023
މިއަހަރު އެންމެ ފާހަގަކޮށްލެވޭ އެއް އެވޯޑު ލިބިގެންދިޔައީ، ނިިމިދިޔަ ސަރުކާރުގެ ޓުއަރިޒަމް މިނިސްޓަރ ޑރ. އަބްދުﷲ މައުސޫމްއަށެވެ. އޭނާ ވަނީ ޓްރެވެލް ޕާސަނަލިޓީ އޮފް ދަރ އިޔަރ އެވޯޑު ހޯދާފައެވެ. އެވޯޑު ހާސިލްކޮށް ޑރ. މައުސޫމް ވަނީ މި ޝަރަފު އެރުވިކަމަށްޓަކައި ވޯލްޑް ޓްރެވެލް އެވޯޑަށް ޝުކުރު ދަންނަވާފައެވެ.
"އަޅުގަނޑުގެ މި އެވޯޑު ހާއްސަ ކުރާނީ ފަތުރުވެރިކަމުގެ ސިނާޢަތަށް. ޙާއްސަކޮށް ރާއްޖޭގައި މި ސިނާއަތުގައި ހަރަކާތްތެރިވާ ފަރާތްތަކަށް " މައުސޫމް ވިދާޅުވިއެވެ.
މައުސޫމްގެ އިތުުރުން ވޯލްޑް ޓްރެވެލް އެވޯޑުގެ ސްޕެޝަލް އެޗީވްމެންޓް އެވޯޑު އެމްއެމްޕީއާރްސީގެ ކުރީގެ މެނޭޖިންގް ޑިރެކްޓަރ މުހައްމަދު ތޮއްޔިބު ވަނީ ހާސިލްކޮށްފައެވެ.