އެގްރިކަލްޗަ މިނިސްޓްރީ ވަގުތީ ގޮތުން ހިންގުން ޑިފެންސް މިނިސްޓަރ ގައްސާން މައުމޫންއާ ހަވާލުކޮށްފި އެވެ.
ރައީސް ޑރ. މުޙައްމަދު މުއިއްޒު އެ މިނިސްޓްރީ ހިންގެވުން ވަގުތީގޮތުން މިނިސްޓަރ އޮފް ޑިފެންސް މުޙައްމަދު ގައްސާން މައުމޫނާ ހަވާލުކުރައްވާފައިވާ ކަން ރައީސް އޮފީހުން މިރޭ ވާނީ ހާމަކޮށްފައެވެ.
މިނިސްޓްރީ އޮފް އެގްރިކަލްޗަރ އެންޑް އެނިމަލް ވެލްފެއަރ ހިންގެވުން މިނިސްޓަރ އޮފް ޑިފެންސް އާ ޙަވާލުކުރައްވާފައި މިވަނީ، މިނިސްޓަރ އޮފް އެގްރިކަލްޗަރ އެންޑް އެނިމަލް ވެލްފެއަރ ޑރ.ޢާއިޝަތު ރަމީލާ، ޗުއްޓީއަށް މިދިޔަ މަހު 23 ގައި ފުރާވަޑައިގެންފައިވާތީވެ، އެ ކަމަނާ މި ދަތުރުފުޅު ނިންމަވާލެއްވުމަށްފަހު އެނބުރި ރާއްޖެ ވަޑައިގަންނަވަންދެންނެވެ.
ޑރ. ރަމީލާ ބޭރަށް ވަޑައިގެންނެވީ ކެންސަރު ބައްޔަށް ފަރުވާ ހޯދުމަށެވެ. އެކަމަނާ ފަރުވާ ފުރިހަމަ ކުރުމަށް ހަމަޖެހިފައިވަނީ އިންޑިއާއިންނެވެ. ބައްޔާ ގުޅޭ ގޮތުން މާ ބޮޑު ތަފުސީލަކަށް ވަޑައިނުގެން އެކަ މަނާ ވިދާޅުވީ ބަލި ޖެހިފައިވާކަން އެނގިވަޑައިގަތީ ކެންސަރުގެ އެންމެ ފަހު ސްޓޭޖުގައި ކަމަށެވެ.
"ވަރަށް ބަރު ހިތަކާ އެކު މި ވަގުތަށް އެންމެންނާ މި ވަކިވަނީ. ﷲ ގެ އިރާދަފުޅާ އެކު އަލުން ބައްދަލުވާނެ،" ރަމީލާ ވިދާޅުވި އެވެ.
ޑރ. ރަމީލާ އަކީ ކުރިން ނަރުހެއްގެ ގޮތުގައި ވެސް މަސައްކަތްކުރެއްވި ބޭފުޅެކެވެ. އޭނަ ކުރިން ހެލްތު މިނިސްޓްރީގެ ސްޓޭޓް މިނިސްޓަރުކަން ދެ ފަހަރެއްގެ މަތިން ކުރިން އަދާކުރެއްވި އެވެ. ކުރައްވާފަ އެވެ.