ދަ ޑިމޮކްރެޓްސްގެ ރައީސްގެ މަގާމު ކާމިޔާބުވެއްޖެ ކަމަށް އެ މަގާމަށް ވާދަކުރެއްވި ހަސަން ލަތީފު އިއުލާން ކުރައްވައިފި އެވެ.
އިއްޔެ ބޭއްވި އިންތިހާބުގެ ވަގުތީ ނަތީޖާ މިއަދު އިއުލާންކުރާ ގޮތަށް އޮއްވައި އޭނަ ސޯޝަލް މީޑިއާ ޕޯސްޓެއްގައި ރޭ ވިދާޅުވީ "ވޯޓު ފޮށިތަކުގެ ނަތީޖާ ޝީޓުތަކުން ދައްކަނީ ބޮޑު ތަފާތަކުން އެ އިންތިހާބު ކާމިޔާބުވެއްޖެކަން" ކަމަށެވެ.
ވޯޓު ފޮށިތަކުގެ ނަތީޖާ ޝީޓުތަކުން ދައްކަނީ ބޮޑު ތަފާތަކުން މި އިންތިޚާބު ކާމިޔާބު ވެއްޖެކަން.
މިއަދު މުޅި ރާއްޖޭގައި އެ ހިންގުނީ މުހިއްމު ސިޔާސީ ހަރަކާތެއް. ދެން އޮތީ ހަގީގީ މަސައްކަތް ފަށައިގަތުން.
ހުރިހާ މެންބަރުންނަށް މަރުހަބާ އާއި ޝުކުރު ދަންނަވަން.#WeTheDemocrats
— Hassan Latheef🎈 (@HassanLatheef) December 2, 2023
"މުޅި ރާއްޖޭގައި އެ ހިންގުނީ މުހިއްމު ސިޔާސީ ހަރަކާތެއް. ދެން އޮތީ ހަގީގީ މަސައްކަތް ފަށައިގަތުން. ހުރިހާ މެންބަރުންނަށް މަރުހަބާ އާއި ޝުކުރު ދަންނަވަން." ހަސަން ވިދާޅުވި އެވެ.
އެއާ ވިއްދައިގެން ރައީސް ކަމަށް ވާދަކުރެއްވި އަނެއް ކެންޑިޑޭޓް ހުސައިން އަމްރު ވިދާޅުވީ "އިންތިހާބުގެ ވަގުތީ ނަތީޖާ ނުލިބެނީސް ކާމިޔާބު އިއުލާން ނުކުރާން ނިންމައިގެން ތިބި" ކަމަށެވެ.
މިއަދުގެ އިންތިޚާބުގެ ވަގުތީ ނަތީޖާ ނުލިބެނީސް ކާމިޔާބު އިއުލާން ނުކުރާން މިތިބީ.
— Amr 🎈 (@HusenAmr) December 2, 2023
ކުރީގެ ރައީސް މުހައްމަދު އިސްކޮށް ހުންނަވައިގެން އުފެއްދެވި ދަ ޑިމޮކްރެޓްސް އަކީ ރާއްޖޭގައި އެންމެ ފަހުން އުފެއްދި ޕާޓީ އެވެ. ޖުލައި މަހު ރަޖިސްޓްރީކޮށް ދިން ޕާޓީން ސެޕްޓެމްބަރު މަހު ބޭއްވި ރިޔާސީ އިންތިހާބުގައި ވެސް ވާދަކުރި އެވެ.