ހެލްތު މިނިސްޓްރީގެ ދަށުން ހިންގާ ތަންތަނުން ބައެއް މުވައްޒަފުން މަސައްކަތްކުރާ ވަގުތަށް ގެންނަން ނިންމި ބަދަލަށް އަމަލުކުރުން ފަސްކޮށްފި އެވެ.
މިދިޔަ ހަފުތާގައި ނިންމާފައި އޮތީ މިނިސްޓްރީގެ ފަންނީ މުވައްޒަފުން މަސައްކަތް ކުރަން ޖެހޭ ވަގުތު ހެނދުނު 8:00 އިން މެންދުރު ފަހު 2:00 ގެ ބަދަލުގައި ހަވީރު 4:00 އާ ހަމައަށް އިތުރު ކުރުމަށެވެ. އަދި އެގޮތަށް އަމަލުކުރަން އޮތީ މިއަދުން ފެށިގެންނެވެ.
ނަމަވެސް ހެލްތު މިނިސްޓްރީން އިއްޔެ ވަނީ އެ ނިންމުމަށް އަމަލު ކުރުން ފަސްކުރަން ނިންމައިފަ އެވެ.
އެކަން ފަސްކުރީ މުވައްޒަފުންތަކެއް ކަންބޮޑުވުން ވެސް ފާޅުކުރަން ފެށުމާ ގުޅިގެންނެވެ. އެހެންވެ އެކަމާ އިތުރަށް މަޝްވަރާ ކުރުމަށްޓަކައި ވަކި ގޮތެއް އަންގަންދެން، ކުރިއެކޭ އެއްގޮތަށް މުވައްޒަފުން މަސައްކަތް ކުރަމުން ދިޔުމަށް މިނިސްޓްރީން އެދިފައިވެ އެވެ.