އޭޝިއަން އިންފްރާސްޓްރަކްޗާ އިންވެސްޓްމެންޓް ބޭންކް (އޭއައިއައިބީ) އިން ރާއްޖެ އަށް މާލީ އެހީ ހޯދުމާ ގުޅޭ ގޮތުން މަޝްވަރާކޮށްގި އެވެ، އެކު ޕްރިން މިނިސްޓަރު މޫސާ ޒަމީރު އިއްޔެ މަޝްވަރާ ކުރައްވައިފި އެވެ.
އެ މަޝްވަރާ ކުރެވުނީ ޔޫއޭގައި މިހާރު ކުރިއަށްދާ ކޮޕް 28 ސަމިޓްގެ ހަވާސާގައި ފޮރިން މިނިނިސްޓަރު ޒަމީރާއި ބައްދަލުކުރެއްވީ އޭއައިއައިބީގެ ރައީސް ޖިން ލީޗުންއާ ދެމެދުގަ އެވެ. އެވެ.
އެކަމާ ގުޅޭ ގޮތުން މިނިސްޓަރު ސޯޝަލް މީޑިއާ ޕޯސްޓެއްގައި ވިދާޅުވީ، ރައީސް ޑރ. މުހައްމަދު މުއިއްޒުގެ ތަރައްގީގެ އެޖެންޑާ ތަންފީޒުކުރުމަށްޓަކައި ބޭނުންވާ ފައިސާ ހޯދަން މަޝްވަރާ ކުރެއްވި ކަމަށެވެ. އެގޮތުން އައްޑު އާއި ގދ. ތިނަދު އާއި ރީޖަނަލް އެއާޕޯޓްސް އާއި އިޔާދަކުރަނިވި ހަކަތައިގެ ޕްރޮޖެކްޓްތަކާ ގުޅޭ ގޮތުން މަޝްވަރާ ކުރެއްވި ކަމަށް ވިދާޅުވި އެވެ.
މިނިސްޓަރު ވިދާޅުވި ގޮތުގައި ރާއްޖޭގެ މައި އެއާޕޯޓް ކަމަށްވާ ވެލާނާ އިންޓަނޭޝަނަލް އެއާޕޯޓް (ވީއައިއޭ) ގެ އާ ޓާމިނަލް ހުޅުވަން ކުރާ މަސައްކަތްތަކާއި ޓޫރިޒަމް ދާއިރާ ކުރިއަރުވައި އެ ދާއިރާ ދެމެހެއްޓެނިވި ގޮތެއްގައި ތަރައްގީ ކުރުމާ ގުޅޭ ގޮތުން ވެސް ދެ ބޭފުޅުން މަޝްވަރާކުރެއްވި އެވެ.
ޗައިނާގައި ހެޑްކުއާޓަރު ހުންނަ އޭއައިއައިބީ އަކީ މީގެ ހަތް އަހަރު ކުރިން 2016 ގައި އުފެއްދި ބޭންކެކެވެ. އެ ބޭންކްގެ މެމްބަޝިޕް ގައުމުތަކުގެ އަދަދު 109 އަށް އަރަ އެވެ. އޭއައިއައިބީން ކޮވިޑާ ގުޅިގެން ރާއްޖެ އަށް 7.3 މިލިއަން ޑޮލަރުގެ ލޯނެއް ދީފައިވެ އެވެ.