ވިހެއުމަށް ފަހު ކޮތަޅަކަށް ލައިފައި އދ. ދިގުރަށުގެ ކުނިގޮނޑަށް އެއްލާލާފައި އޮއްވައި މިއަދު ފެނުނު ކުއްޖާގެ ބިދޭސީ މަންމަ ހައްޔަރުކޮށްފި އެވެ.
ފުލުހުން ބުނީ އޭނާ ހައްޔަރު ކުރީ ވެލާނާ އިންޓަނޭޝަަނަލް އެއާޕޯޓް (ވީއައިއޭ) އަށް ފުރަން ގޮސް ހުއްޓައި ކަމަށެވެ.
ފުލުހުން ބުނި ގޮތުގައި ކޮތަޅަކަށް ލައި ތުއްތު ކުއްޖަކު ކުނި ގޮނޑަށް އެއްލާލާފައި އޮތްކަމުގެ ރިޕޯޓް ލިބުނީ މިއަދު ހެނދުނު 09:20 ހާއިރު ކަމަށެވެ. އަދި އެކުއްޖާ ހޮސްޕިޓަލަށް ގެންދިޔައިރު ވެސް މަރުވެފައިވާ ކަމަށް ފުލުހުން ބުނެފައިވެ އެވެ.
އެނގިފައިވާ ގޮތުގައި އެ ކުއްޖާ އަކީ ދިގުރަށުގެ ގެސްޓް ހައުސްއެއްގައި މަސައްކަތްކުރި ބިދޭސީ އަންހެނަކު ވިހޭ ކުއްޖެކެވެ. ކުއްޖާ ފެނުނުއިރު އޮތީފޫޅު ދަނޑިއާ ވެސް އެއްކޮށެވެެ.
ދިގުރަށު ވޭސްޓް މެނޭޖްމަންޓު ސެންޓަރުގައި މަސައްކަތްކުރާ ބިދޭސީއަކަށް ކުއްޖާ ފެނުނީ ގޮނޑަށް ގެންގޮސްފައި ހުރި އެ އެއްޗެހި ނައްތާލުމަށްޓަކާ ކޮތަޅުތަކުން ކުނި ނަގަނިކޮށެވެ.
މި މައްސަލަ ފުލުހުން މިހާރު އަންނަނީ އިތުރަށް ތަހުގީގު ކުރަމުންނެެވެ.