ސްޓޭޓް ޓްރޭޑިންގް އޯގަނައިޒޭޝަން (އެސްޓީއޯ) އިން ހެއްޔާ މަކިޓާ ޕްރޮމޯޝަން 2023 ބޮޑެތި ޑިސްކައުންޓުތަކަކާއި އެކު ފަަށަފިއިެވެ.
މިމަހުގެ 3 ވަނަ ދުވަހުން ފެށިގެން 2024 ވަނަ އަހަރުގެ ޖެނުއަރީ 11 އަށް ޕްރޮމޯޝަން ކުރިއަށް ގެންދިއުމަށް ވަނީ ހަމަޖެހިފައެވެ. ޕްރޮމޯޝަން ފައްޓަވައިދެއްވީ އެސްޓީއޯގެ ޖެނެރަލް މެނޭޖަރ، މުހައްމަދު އީމާން އެވެ. މިފަހަރުގެ ޕްރޮމޯޝަންގެ ދަށުން ކުރައްވާ ކޮންމެ ފަސް ސަތޭކަ ރުފިޔާގެ ވިޔަފާރިއަކަށް ކޫޕަނެއް ލިބިލައްވާއިރު 30 އިންސައްތައާ ހަމައަށް ޑިސްކައުންޓް ލިބޭނެއެވެ. އެސްޓީއޯއިން ވަނީ މިއަހަރުގެ ޕްރޮމޯޝަން އެސްޓީއޯގެ ރީޖަނަލް ފިހާރަތަކުގައިވެސް ކުރިއަށް ދާނެ ކަން ހާމަކުރައްވާފައެވެ.
Makita, the leading power tool brand in the Maldives, kicks off its largest promotion of the year, featuring discounts of up to 30% on Makita tools. Engage in exciting activities and seize the opportunity to win free Makita tools every week! #HeyyaMakita 😃🎉 pic.twitter.com/rj5k98S2EA
— STO Construction (@STOconstruction) December 3, 2023
މި ޕްރޮމޯޝަން ނިމުމުން ގުރުއަތުން ހޮވޭ ފަރާތްތަކުގެ ތެރެއިން 1 ވަނައަށްދާ ފަރާތަކަށް މަކިޓާ ޝޯރޫމްގެ 30،000 (ތިރީސް ހާސް) ރުފިޔާގެ ގިފްޓް ވޮއުޗަރއެއް ލިބޭނެއެވެ. އަދި ދެވަނައަށް 20،000 (ވިހި ހާސް) ރުފިޔާގެ ގިފްޓް ވޮއުޗަރ އެއް ލިބޭ އިރު ތިންވަނައަށްދާ ފަރާތަކަށް 10،000 (ދިހަ ހާސް) ރުފިޔާގެ ގިފްޓް ވޮއުޗަރ އެއް ލިބޭނެއެވެ
މީގެ އިތުން ޕްރޮމޯޝަން ނިމެންދެން ކޮންމެ ހޮނިހިރު ދުވަހަކު މަކިޓާ ޝޯރޫމްގައި މަކިޓާ ޓޫލް ބޭނުންކޮށްގެން އިސްކުރު ޖެހުމުގެ މުބާރާތެއް ކުރިޔަށް ގެންދާނެއެވެ. މި މުބާރާތުގައި އެންމެ ކުޑަ ވަގުތުކޮޅެއްގެ ތެރޭގައި އެންމެ ގިނަ އިސްކުރު ޖަހާ ފަރާތެއް ހޮވައި އެ ފަރާތަކަށް މަކިޓާގެ އުފެއްދުންތައް އިނާމުގެ ގޮތުގައި ލިބޭނެ ކަމަށް އެސްޓީއޯއިން ބުނެއެވެ.