ހާއްސަ އެހީގެ މީހުންގެ ތެރޭގައި ގިނައީ އަންހެނުން

ރާއްޖޭގައި ހާއްސަ އަށް ބޭނުންވާ މީހުުންގެ އަދަދު 24،000 އަށް އަރާ އިރު، އޭގެ ތެރޭގައި އެންމެ ގިނައީ އަންހެނުން ކަމަށް މޯލްޑިވްސް ސްޓެޓިސްޓިކްސް ބިއުރޯ އިިން ބުނެފި އެވެ.

އިއްޔެ ފާހަގަކުރި މި އަހަރުގެ ބައިނަލްއަގުވާމީ ނުކުޅެދުންތެރިކަން ހުންނަ މީހުންގެ ދުވަހާ ގުޅިގެން އެތަނުން އާންމުކުރި ތަފާސްހިސާބުތަކަށް ބަލާ އިރު، ހާއްސަ އެހީ އަށް ބޭނުންވާ މީހުންގެ ތެރެއިން 13،456 މީހުންނަކީ އަންހެނުންނެވެ. ފިރިހެނުންގެ އަދަދަކީ 10،945 އެވެ.

މި މީހުންގެ ތެރެއިން 8،453 މީހުން މާލޭގައި ދިރިއުޅޭ އިރު، އަތޮޅުތަކުގައި ދިރިއުޅެނީ ހާއްސަ އެހީ އަށް ބޭނުންވާ 15،948 މީހުންނެވެ. ރާއްޖޭގައި ހާއްސަ އަށް ބޭނުންވާ މީހުންގެ އާދާބީގެ ނިސްބަތަކީ މުޅި އާބާދީއާ އަޅާބަލާ އިރު 6.9 ޕަަސެންޓެވެ.

ތަފާސްހިސާބުތައް ދައްކާ ގޮތުން ހާއްސަ އެހީ އަށް ބޭނުންވާ މީހުން އެންމެ ގިނައީ މ އަތޮޅާއި ގއ އަތޮޅުގެ އިތުރުން ގދ. އަތޮޅުގަ އެވެ.

ވަކިވަކި އުމުރުފުރާތަކުން ހާއްސަ އެހީ އަށް ބޭނުންވާ މީހުންނަށް ބަލާ އިރު 65 އަހަރުން މަތީގެ މީހުންގެ އަދަދު 7،402 އަށް އަރަ އެވެ. ދެން 36-64 އަހަރާ ދެމެދުގެ މީހުންގެ އަދަދު 9،996 އަށް އަރާ އިރު، 18-35 އަހަރާ ދެމެދުގެ މީހުންގެ އަދަދަކީ 3،602 އެވެ. މީގެ އިތުރުން 5-17 އަހަރާ ދެމެދުގެ 3،401 ކުދިން ހިމެނެ އެވެ.

ސަރުކާރުން ހާއްސަ އެހީ އަށް ބޭނުންވާ މީހުންނަށް ކޮންމެ މަހަކު އެލަވަންސެއް ދެ އެވެ.