ރައީސް އޮފީހުގައި ވަރަށް ގިނަ އަހަރުތަކެއް ވަންދެން މަސައްކަތްކުރައްވާފައިވާ އަދި ކުރީގެ ރައީސް އިބްރާހީމް މުހައްމަދު ސޯލިހުގެ ކޮއްކޮ، މުހައްމަދު ސޯލިހު (ފާތޭ) ރައްޔިތުންގެ މަޖިލީހުގެ އިދާރާގެ ޗީފް އޮފް ބިއުރޯގެ މަގާމަށް އައްޔަންކޮށްފި އެވެ. ކުރައްވައިފިއެވެ.
އޭނަ ރައީސް އޮފީހުގައި މަސައްކަތް ކުރައްވަން ފެއްޓެވީ 1986 ގަ އެވެ. އޭގެ ފަހުން 37 އަހަރު ވަންދެން އެތަނުގައި ހިދުމަތް ކުރެއްވި އެވެ. މަޖިލިސް އިދާރާގެ އިސް މަގާމަކަށް ފާތޭ އައްޔަންކުރެއްވި އިރު އެންމެ ފަހުން ހުންނެވީ ރައީސްގެ ސެކްރެޓަރީފެ ގޮތުގަ އެވެ.
ފާތޭ އެ މަގާމުން އިސްތިއުފާ ދެއްވީ ބޭބެ ރައީސް ސޯލިހުގެ ދައުރު ހަމަވި ދުވަސް ކަމަށްވާ ނޮބެމްބަރު 17 ގަ އެވެ.
ރައްޔިތުންގެ މަޖިލީހުގެ އިދާރާ އިން ބުނީ ޗީފް އޮފް ބިއުރޯގެ މަގާމަށް އޭނަ އައްޔަންކުރީ އިއްޔެ ކަމަށެވެ. އެ މަގާމަށް ފާޔޭ އައްޔަންކުރީ މަޖިލިހުގެ ރައީސްގެ މަސައްކަތްތަކަށް މުވައްޒަފުން ކަނޑައަޅަން މަޖިލިހުގެ ގަވާއިދުގެ ދަށުން މަޖިލިހުގެ ރައީސަށް ލިބިވަޑައިގަންނަވާ ބާރުގެ ދަށުންނެވެ.
ފާތޭ ވަނީ ތިން ރައީސެއްގެ ސެކްރެޓަރީކަން ކުރައްވައިފަ އެވެ. އެއީ ރައީސް ސޯލިހުގެ އިތުރުން ރައީސް އަބްދުﷲ ޔާމީނާއި ރައީސް މައުމޫން އަބްދުލް ގައްޔޫމްގެ ސަރުކާރުގަ އެވެ.