އެލައިޑުގެ ސޯޝަލް މީޑިއާ ފޭސްބުކް ޕޭޖް ފޮލޯ ކޮށްގެން ޝްވެކް ސިނެމާއިން ކޮންމެ ހަފްތާއަކު ފިލްމެއް ބަލާލުމުގެ ފުރުސަތު އެލައިޑުން ހުޅުވާލައިފިއެވެ.
އެލައިޑުން ހުޅުވާލި މި ފުރުސަތު ހޯދުމަށް އެލައިޑުގެ ފޭސްބުކް ޕޭޖަށް ފޮލޯ ކުރަން ޖެހެއެވެ. އަދި މިކަމާއި ގުޅޭ ޕޯސްޓް ޕަބްލިކްކޮށް ސްޓޯރީއަށް ނުވަތަ އަމިއްލަ ޕްރޮފައިލަށް ޝެއަރ ކުރުމަށް ފަހު، 3 އެކުވެރިން އެ ޕޯސްޓުގައި ޓެގް ކޮށްލާނީއެވެ.
މިގޮތުން ކޮންމެ ހަފްތާއަކު ބުރާސްފަތި ދުވަހު ގުރު ނަގާނެއެވެ. އަދި ހޮވޭ ފަރާތަކަށް ހިލޭ 2 ޓިކެޓު ޝްވެކުން ފިލްމެއް ބަލަން ދިއުމަށް ލިބޭނެއެވެ. ޝްވެކް ސިނެމާގައި މަޤްބޫލު ގިނަ ފިލްމުތައް މިހާރުވެސް އަޅުވަމުން ދެއެވެ.
އެލައިޑުން ހުޅުވާލި މި ފުރުސަތު މިމަހުގެ އެއްވަނަ ދުވަހުން ފެށިން އަންނަ އަހަރުގެ ޖެނުއަރީ މަހުގެ 4 ވަނަ ދުވަހުގެ ނިޔަލަށް ކުރިއަށް ގެންދިއުމަށް ވަނީ ހަމަޖެހިފައެވެ. މިއީ ފިލްމް ބަލަން ބޭނުންވާ ފަރާތްތަކަށް ރަނގަޅު ފުރުސަތެއް ގޮތުގައި އެލައިޑުން ވަނީ ފާހަގަކޮށްފައެވެ.