ސިވިލް ސާވިސް ކޮމިޝަން (ސީއެސްސީ) އިން ހުސްވެފައިވާ މެންބަރުކަމުގެ މަގާމަށް ކުރިމަތިލުމުގެ ފުރުޞަތު ރައީސް އޮފީހުން މިއަދު ހުޅުވާލައްވައިފި އެވެ.
އެ އޮފީހުން ބުނީ ކޮމިޝަނުގެ މެންބަރުކަމަށް ކުރިމަތިލުމަށް ޝައުގުވެރިވާ ފަރާތްތަކުގެ އެޕްލިކޭޝަން ފޯމް ބަަލައިގަންނާނީ މި މަހުގެ 18 އާއި 19 ގައި ރައީސް އޮފީހުން ކަމަށެވެ.
އެޕްލިކޭޝަން ފޯމް ރައީސް އޮފީހުގެ ވެބްސައިޓް އިން ފޯމު ޑައުންލޯޑް ކުރެވޭނެ އެވެ.
ސީއެސްސީގެ މެންބަރު ކަމަށް ހުޅުވައިލީ ކޮމިޝަންގެ މެންބަރަކަށް ހުންނެވި ފާތުމަތު އާމިރާގެ ދައުރު މިދިޔަ ހުކުރު ދުވަހަށް ހަމަވުމާ ގުޅިގެންނެވެ.
ސީއެސްސީގައި ތިއްބަނީ ފަސް މެންބަރުންނެވެ. މިހާރު ކޮމިޝަންގައި ތިއްބެވީ ރައީސް، މުހައްމަދު ނާސިހާއި ނައިބު ރައީސް އިބްރާހިމް ރަޝީދު އަދި ދެ މެމްބަރުން ކަމަށްވާ މުހައްމަދު ފަރުސަތާއި ފާތިމަތު ޝަރީފެވެ.