އުރީދޫގެ އާޗާ ޕްރިޕެއިޑް ޕެކެއް ނަންގަވައިގެން އައިފޯން 15 ޕްރޮ މެކްސްއެއް ލިބޭ ޕްރޮމޯޝަނެއް އުރީދޫއިން ފަށައިފިއެވެ.
މި ޕްރޮމޯޝަންގެ ދަށުން އުރީދޫގެ ޕްރިޕެއިޑް ޕްލޭން ގެންގުޅުއްވާ ފަރާތްތަކަށް، ބޮޑެތި ޑޭޓާ އެލަވެންސްތައް ހިމެނޭ އާޗާ ޕްރިޕެއިޑް ޕޯޓްފޯލިއޯއިން ޑޭޓާ ޕެކެއް ނުވަތަ އެޑްއޮންއެއް އެކްޓިވޭޓް ކުރައްވައިގެން ހާއްސަ ހަދިޔާތަކެއް ހޯދުމުގެ ފުރުސަތު ލިބިގެން ދެއެވެ. އެގޮތުން އުރީދޫ އެޕް މެދުވެރިކޮށް އެކްޓިވޭޓް ކުރައްވާ ކަސްޓަމަރުންގެ ތެރެއިން ނަސީބުވެރި އެއް ފަރާތަކަށް ކޮންމެ ހަފްތާއަކު ހާއްސަ ހަދިޔާ އެއް ލިބޭ އިރު ޕްރޮމޯޝަން ގެ ގްރޭންޑް ޕްރައްޒް ގެ ނަސީބުވެރިފަރާތައް އައިފޯން 15 ޕްރޯ މެކްސް އެއް ލިބުމުގެ ފުރުސަތުވެސް ލިބެއެވެ.
އުރީދޫ ގެ އާޗާ ޕްރިޕއެޑް ޕޯޓްފޯލިއޯއަކީ ކޮންމެ ދުވަހަކު ޑޭޓާ އާވެގެންދާ ގޮތައް އަދި އެއް ފަހަރު ރީޗާރޖްކޮށްގެން ދިގު މުއްދަތަށް ބޭނުންކުރެވޭ ގޮތަށް ފަރުމާ ކުރެވިފައިވާ ޕްރީޕެއިޑް ޕްލޭންތަކެވެ. މިގޮތުން މި ޕްލޭންތަކުން ލިބޭ ޑޭޓާ އަކީ އިންޓަނެޓް މެދުވެރިކޮށް ކޮންމެ ކަމެއް ކުރުމަށްވެސް ބޭނުންކުރެވޭން ޑޭޓާ އެވެ. އޭގެ ތެރޭގައި ކިޔެވުމަށް ބޭނުންކުރާ ޕެލެޓފޯމްތަކާއި، ނެޓްފްލިކްސް، ސޯޝަލް މީޑިއާ، އަދި އޭގެ އިތުރުން ގޭމް ކުޅުމަށް، ޑައުންލޯޑްކުރުމަށާއި ސްޓްރީމިންގްއަށްވެސް ބޭނުންކުރެވޭނެ ކަމަށް އުރީދޫއިން ބުނެއެވެ.
އާޗާ 500 ގެ ޕްލޭން މެދުވެރިކޮށް 60ޖީބީ ޑޭޓާ މުޅި މަހަށް ބަހާލައިގެން ދުވާލަކު 2ޖީބީ އެންމެ 500 ރުފިޔާއަށް ލިބޭއިރު، އާޗާ 750 މެދުވެރިކޮށް 180ޖީބީ ޑޭޓާ މުޅި މަހަށް ބަހާލައިގެން ދުވާލަކު 6ޖީބީ ޑޭޓާ (750ރ އަށް) ލިބިގެންދާ ކަމަށް އުރީދޫއިން ބުނެއެވެ. މިއީ ރާއްޖޭގައިވެސް މިވަގުތު ދޫކުރާ އެންމެ ރަނގަޅު އެއް ޕްރިޕެއިޑް ޑޭޓާ ޕެކްތައް ކަމަށް އުރީދޫއިން ފާހަގަ ކުރެއެވެ.