ނޫސްވެރިންނަށް ފަސޭހަ އިން މައުލޫމާތު ހޯދޭނެ ގޮތް ޕްރޮސެކިއުޓަ ޖެނެރަލް އޮފީހުން ހަމަޖައްސައިފި އެވެ.
އެތަނުގެ ރައްޔިތުންގެ ޕޯޓަލްގައި މިހާރު ވަނީ ޕީޖީ އޮފީސް ކޮރެސްޕޮންޑެންޓްސްގެ ނަމުގައި ހާއްސަ ޓެބެއް ހިމަނައިފަ އެވެ. އަދި އޭގެ އެހީގައި ޕީޖީ އޮފީހުން ނޫސްވެރިން ސާފުކުރަން ބޭނުންވާ މައުލޫމާތު ފަސޭހައިން ހޯދޭނެ އެވެ.
މި ޕޯޓަލްގައި ނޫސްވެރިން ރަޖިސްޓްރީވާން ޖެހެނީ އެ ނޫސްވެރިއަކު މަސައްކަތްކުރާ ނޫސް އޭޖެންސީއެއްގެ ރަސްމީ އީމެއިލް މެދުވެރިކޮށެވެ. އެގޮތުން ޕޯޓަލުގައި ރަޖިސްޓަރީވާން ނޫސްވެރިޔާގެ އައިޑީ ކާޑު ނަންބަރާއި ފުރިހަމަ ނަން މި މެއިލަށް media@pgoffice.gov.mv ފޮނުވަން ޖެހޭނެ އެވެ.
ޕީޖީ އޮފީސް ކޮރެސްޕޮންޑެންޓްސް އުފެއްދުމާ ގުޅޭ ގޮތުން ޕްރޮސިކިއުޓާ ޖެނެރަލް ހުސައިން ޝަމީމު ވިދާޅުވީ މިއީ ނޫސްވެރިން ސާފުރަން ބޭނުންވާ މައުލޫމާތުތަކާ ގުޅޭ ސުވާލުތައް ފޮނުވުމުން، ޕީޖީ އޮފީހުން ޕޯޓަލް މެދުވެރިކޮށް ޖަވާބު ނޫސްވެރިއާ ހިއްސާކޮށް ގޮތަށް ހޯދައި ދިން ލުއެއް ކަމަށެވެ.
ޕީޖީ ވިދާޅުވީ ކޮރެސްޕޮންޑެންޓްސްއާ އެކީ، ނޫސްވެރިންގެ ހަބަރުތަކުގެ "އެކްސްކްލޫސިވިޓީ" ކަށަވަރުވުމުގެ އިތުރަށް މިއީ ދެފުށްފެންނަ، ހަރުދަނާ، ދުނިޔޭގެ ފެންވަރުގެ ނިޒާމަކަށް ވާނެ ކަމަށެވެ. އަދި މީގެ ސަބަބުން މައުލޫމާތު ހޯދަން ފަސޭހަވުމާއި ދެ ފަރާތުން ކުރާ މުއާމަލާތަކާ މެދު ސުވާލު އުފެދޭ ހާލަތުގައި ސައްހަ މައުލޫމާތު ވެސް ކަށަވަރު ކުރެވޭނެ ކަމަށް ވިދާޅުވި އެވެ.