އައްޑޫ ފޭދޫގައި ހިންގި އޮޕަރޭޝަނެއްގައި ކައްކާފައި ބަނގުރަލާއި އެ ތަކެއްޗާއި އެކަމާ ގުޅުން ހުރި ބައެއް ތަކެތި ހޯދާފައިވާ ކަމަށް ފުލުހުން ބުނެފި އެވެ.
ފޭދޫ ގެއެއްގެ ގޯތިތެރޭގައި ހަދާފައި ހުރި ހަޓެއްގެ ތެރެއިން ފެނުނު ތަކެތީގެ ތެރޭގައި ބަނގުރާ ކަމަށް ބެލެވޭ އެއްޗެއް ހުރި ރީނދޫ ކުލައިގެ ހަ ހަމާއި 500 އެމްއެލްގެ ދެ ފުޅި އަދި ބަނގުރާ ކައްކަން ބޭނުންކޮށްފައި ހުރި ކަމަށް ބެލެވޭ ތަކެތި ހިމެނެ އެވެ.
މި ތަކެތި ފެނިފައި ވަނީ ފުލުހުންގެ އިންޓެލިޖެންސަށް ލިބުނު މައުލޫމާތަކާ ގުޅިގެން މި މަހުގެ 4 ވަނަ ދުވަހުގެ ރޭ ދަންވަރު އެހައިކަންހާއިރު ހިންގި އެ އޮޕަރޭޝަނެއްގަ އެވެ.
މި މައްސަލަ ފުލުހުން އަންނަނީ އިތުރަށް ތަހުގީގު ކުރަމުންނެވެ.