ހުޅުމާލޭގައި ރޭ ތޫނު އެއްޗަކުން ހަމަލާދީ މީހަކު ޒަހަމްކުރި މައްސަލައިގައި މީހަކު ހައްޔަރުކޮށްފި އެވެ.
ރޭ ފޭސް ދޭއްގައި ހުންނަ ހިޔާ ޓަވަރެއްގައި މީހަކަށް ތޫނު އެއްޗަކުން ހަމަލާދިން މައްސަލާގައި ހައްޔަރުކުރީ 19 އަހަރުގެ ފިރިހެނެކެވެ.
ފުލުހުން ބުނީ އެ މާރާމާރީ އަކީ އާއިލީ މައްސަލައެއްގެ ތެރެއިން ހިންގި ހާދިސާއެއް ކަމަށެވެ. އެ ހަމަލާގައި ޒަހަމްވި 22 އަހަރުގެ މީހާ އަށް ހުޅުމާލޭ ހޮސްޕިޓަލްގައި އަންނަނީ ފަރުވާ ދެމުންނެވެ.
އަދި މި ހާދިސާ ފުލުހުން އަންނަނީ އިތުރަށް ތަހުގީގު ކުރަމުންނެވެ.