ޕްރައިވަޓައިޒޭޝަން އެންޑް ކޯޕަރަޓައިޒޭޝަން (ޕީބީސީ) ފެ ރައީސްކަމަށް މި ސަރުކާރުން އައްޔަންކުރި އެތަނުގެ ރައީސް ހަމްދީ އަގީލް އާއި ގުޅޭ ގޮތުން ޢާންމުންގެ ހިޔާލު ހޯދަން ރައްޔިތުންގެ މަޖިލީހުން ހުޅުވާލައިފި އެވެ.
މަޖިލީހުގެ އިދާރާ އިން ބުނ އަގީލަށް ރުހުން ހޯއްދެވުމަށް ފޮނުއްވާފައިވާ މައްސަލަ ދިރާސާކުރުމަށް މިދިޔަ ހޯމަ ދުވަހު ބޭއްވި މަޖިލީހުގެ 3 ވަނަ ދައުރުގެ 31 ވަނަ ޖަލްސާގައި ސްޓޭޓް އޯންޑް އެންޓަޕްރައިސަސް ކޮމިޓި އަށް ފޮނުވާފައިވާ ކަމަށެވެ.
އެހެންވެ އޭނައާ ގުޅޭ ގޮތުން އެއްވެސް ޝަކުވާއެއްވާ ނަމަ، މި މަހުގެ 11 ގެ މެންދުރު 12:00 ގެ ކުރިން ޝަކުވާ ހުށަހެޅުމަށް އެދިފައިވެ އެވެ. ޝަކުވާ ހުށަހަޅާނީ ހުށަހަޅާ ފަރާތުގެ ފުރިހަމަ ނަމާއި، ދާއިމީ އެޑްރެސް އަދި ގުޅޭނެ ފޯނު ނަންބަރު އެނގޭނެ ގޮތަށް އެ ޝަކުވާއެއް ކޮމިޓީގެ އީމެއިލް އެޑްރޭހަށް ނުވަތަ ރައްޔިތުންގެ މަޖިލީހުގެ އިދާރާއަށް ލިޔުމަކުންނެވެ.
ޕީސީބީގެ ބޯޑަށް ހަމްދީ އައްޔަންކުރީ މިދިޔަ މަހުގެ 23 ގަ އެވެ.
އޭނަ އަކީ އޮސްޓްރޭލިއާގެ ކާޓިން ޔުނިވަސިޓީން މާސްޓަ އޮފް ކޮމާސް ހާސިލުކުރައްވާފައިވާ ބޭފުޅެކެވެ. ހަމްދީ މީގެ ކުރިން އަދާކުރައްވާފައިވާ ވަޒީފާތަކުގެ ތެރޭގައި ފިއުލް ސަޕްލައި މޯލްޑިވްސް (އެފްއެސްއެމް) ގެ މެނޭޖިން ޑިރެކްޓަރުކަމާއި މަގާމާއި މޯލްޑިވްސް ރޯޑް ކޯޕަރޭޝަން (އާރްޑީސީ) ގެ މެނޭޖިންގ ޑިރެކްޓަރުކަން ހިމެނެ އެވެ.