ފިރިމީހާ އަނިޔާ ކުރާ ކަމަށް ބުނެ، ބޮލީވުޑްގެ ކުރީގެ މަޝްހޫރު ބަތަލާ ރާޓީ އަގްނިހޯތުރީ ފުލުހުންނަށް މައްސަލަ ހުށަހަޅައިފި އެވެ.
އެކަން ފުލުހުން ވެސް ވަނީ ކަށަވަރުކޮށް ދީފަ އެވެ. މައްސަލަ ފުލުހުންނަށް ރިޕޯޓް ކުރީ އިއްޔެ އެވެ.
ފުލުހުންގެ ޑެޕިއުޓީ ކަމިޝަނަރު އެސް. ޖޭކުމާރު ވިދާޅުވީ "އެކް ދޫޖޭ ކޭ ލިޔޭ" އިން ބޮލީވުޑަށް ނިކުމެ، ކާމިޔާބު އެތައް ފިލްމެއް ކުޅެފައިވާ ރާޓީ ފުލުހުންނަށް މައްސަލަ ރިޕޯޓް ކުރީ އޭނާގެ ފިރިމީހާ އަނިލް ވިރްވާނީ ތަކުރާރުކޮށް ގެވެށި އަނިޔާ ކުރާ ކަމަށް ބުނެ ކަމަށެވެ.
އެހެން ނަމަވެސް ރާޓީ ފުލުހުންނަށް ރިޕޯޓް ކުރި މައްސަލައިގެ އިތުރު ތަފުސީލެއް ފުލުހުން ނުދެ އެވެ.
ޖޭކުމާރު ވިދާޅުވީ އެ މައްސަލަ މިހާރު އިތުރަށް ތަހުގީގު ކުރަމުން އަންނަ ކަމަށެވެ.
މިހާރު އުމުރުން 54 އަހަރުގެ ރާޓީ އާއި އަނިލް ކައިވެނި ކުރީ 1985 ގަ އެވެ. އެ ދެ މީހުންނަށް ލިބިފައިވާ ހަމައެކަނި ދަރިފުޅަކީ މިހާރު ބައެއް ފިލްމްތަކުން ވެސް ފެންނަ ތަނުޖް ވިރްވާނީ، 29، އެވެ.
ޓަނުޖްގެ އެންމެ ފަހުގެ ފިލްމަކީ މިދިޔަ އަހަރު ނިކުތް "ޕްރާނީ ޖީންސް" އެވެ.
ރާޓީ މިހާރު ވެސް މަދުމަދުން ބައެއް ފިލްމްތަކުން ފެނެ އެވެ. އެންމެ ފަހުން އޭނާ ފެނުނީ "ޖެއި ޖަވާން ޖެއި ކިސާން" އިންނެވެ.