އަންނަ އަހަރު ބާއްވާ 36 ވަނަ ގައުމީ ޤުރުއާން މުބާރާތަށް ރަޖިސްޓްރީވާން އަންނަ ހަފުތާގައި ހުޅުވައިލަން ނިންމައިފި އެވެ.
ކީރިތި ޤުރުއާނާ ބެހޭ މަރުކަޒުން ބުނީ މުޅި ރާއްޖެ އަށް ހުޅުވާލައިގެން ބާއްވާ މުބާރާތުގައި ބައިވެރިވާން ބޭނުންވާ ފަރާތްތަކަށް ރަޖިސްޓްރޭޝަނަށް ހުޅުވައިލާނީ މި މަހުގެ 17 ގައި ކަމަށެވެ. އަދި ސުންގަޑި ހަމަވާނީ އަންނަ މަހުގެ 18 އަށް ކަމަށް ބުންޏެވެ. މަރުކަޒުން ބުނީ ރަޖިސްޓްރީ ކުރުމަށް ބޭނުންވާ ލިންކް އެތަނުގެ ވެބްސައިޓާއި އަދި ފޭސްބުކް ޕޭޖްގައި ހިއްސާ ކުރާނެ
ގައުމީ ޤުރުއާން މުބާރާތް ބާއްވަން ހަަޖެހިފައި ވަނީ ފެބްރުއަރީ މަހުގެ 23 އިން މާޗް 2 އާ ހަމައަށެވެ.
މި މުބާރާތަށް ތައްޔާރީތައް ތައްޔާރީތައް ވަމުން އަންނަ އިރު، މުބާރާތަށް ހާއްސަކޮށް އިސްލާމިކް މިނިސްޓްރީން މިދިޔަ ހަފުތާގެ ތެރޭގައި ވަނީ ހާއްސަ ކޮމިޓީއެއް ވެސް އެކުލަވާލައިފަ އެވެ. އޭގެ ބޭނުމަކީ މުބާރާތަށް ދޭންވާ ހައްގު މަގާމާއި ދަރަޖަ ދިނުމަށްޓަކައި ކުރަން ޖެހޭ މަސައްކަތްތައް ކުރުމެވެ.
ގައުމީ ޤުރުއާން މުބާރާތަކީ 1981 އިން ފެށިގެން އިސްލާމިކް މިނިސްޓްރީން ދީނީ ގޮތުން ބާއްވަމުން އަންނަ އެންމެ ބޮޑު ހަރަކާތެވެ.
މިދިޔަ އަހަރުގެ ފަހުކޮޅު ބޭއްވި 35 ވަނަ މުބާރާތުގައި 121 މުއައްސަސާއަކުން 1،022 ބައިވެރިން ވާދަކުރި އެވެ.