އެލައިޑް އިންޝުއަރެންސްގެ މެނޭޖިން ޑިރެކްޓަރަކަށް ހުސައިން ލުވައިޒް އައްޔަންކޮށްފި އެވެ.
އެސްޓީއޯގެ ސަބްސިޑަރީއެއްގެ ގޮތުގައި ހިންގަމުން އަންނަ ރާއްޖޭގެ އެންމެ ބޮޑު އިންޝުއަރެންސް ކުންފުނީގެ އާ އެމްޑީއަކަށް އައްޔަންކުރި ލުވައިޒަކީ 2002 އިން ފެށިގެން އެ ކުންފުނީގައި މަސައްކަތްކުރައްވަމުން ގެންދަވާ ބޭފުޅެކެވެ. ލުވައިޒަކީ ލަންޑަންގެ ޗާޓަޑް އިންޝުއަރެންސް އިންސްޓިޓިއުޓް އާއި ދި އޮސްޓްރޭލިއަން އެންޑް ނިއު ޒީލޭންޑް އިންސްޓިޓިއުޓް އޮފް އިންޝުއަރެންސް އެންޑް ފައިނޭންސް އިން ތައުލީމު ހާސިލުކުރައްވާފައިވާ ބޭފުޅެކެވެ.
އޭނަ އެލައިޑް އެމްޑީގެ މަގާމަށް ވަޑައިގަތުމުގެ ކުރިން ހުންނެވީ ކުންފުނީހެ ޖެނެރަލް މެނޭޖަރުގެ މަގާމުގަ އެވެ.
އެލައިޑް އިންޝުއަރެންސަކީ 1985 ގައި އުފެއްދި ކުންފުންޏެކެވެ.
އެ ކުންފުނީގެ އެމްޑީގެ މަގާމު އެންމެ ފަހުން އަދާކުރެއްވީ މުހައްމަދު ޝަފާޒެވެ.