ގިނަ އަދަދެއްގެ މަސްތުވާ ތަކެއްޗާއި އެކު އައްޑޫސިޓީ ހިތަދޫއިން މީހަކު ހައްޔަރު ކޮށްފިއެވެ.
މިމައްސަލާގައި ހިތަދޫ ޕޮލިސް ސްޓޭޝަންގެ ބެލުމެގެ ދަށަށް ގެންގޮސްފައިވަނީ އުމުރުން 48 އަހަރުގެ ފިރިހެނެވެ. އެ މީހާ ފުލުހުންގެ ބެލުމުގެ ދަށަށް ގެންގޮސް ފާސްކޮށް ބެލިއިރު، މަސްތުވާ ތަކެތި ކަމަށް ޝައްކުުކުރެވޭ އެއްޗެއް އަޅާފައި ހުރި 190 ޕެކެޓް ވަނީ ފެނިފައެވެ. މީގެ އިތުރުން އޭނާ އަތުން ފައިސާވެސް ފެނިފައިވެއެވެ.
އޭނާ ހައްޔަރު ކޮށްފައިވަނީ ކޮން ހާލަތެއްގައި ކަމަށް ފުލުހުން ހާމަކޮށްފައި ނުވެއެވެ. ނަމަވެސް މިމައްސަ ފުލުހުން ދަނީ ތަހުޤީޤު ކުރަމުންނެވެ.
މީގެ އިތުރުން ފޭރުމުގެ މައްސަލައެއްގައިވެސް މިއަދު 36 އަހަރުގެ މީހެއް ފުލުހުންގެ ބެލުމުގެ ދަށަށް ވަނީ ގެންގޮސްފައެވެ. ހިތަދޫ ފިހާރައަކަށް ވަދެ ބިރު ދައްކަގައިން ފޭރުނު އެ މީހާ އަތުންވެސް މަސްތުވާ ތަކެތި ކަމަށް ޝައްކު ކުރެވޭ އެއްޗެއް އަޅާފައި ހުރި 18 ޕެކެޓު ވަނީ ފެނިފައެވެ.