ފުވައްމަލުކައި އާދަޔާހިލާފަށް ހުވަނި ގިނަވެ، އޭގެ ސަބަބުން ގަސްތަކަށް ގެއްލުންވަމުންދާތީ ބޭސް ޖެހުމުގެ މަސައްކަތް ފަށައިފި އެވެ.
ފުވައްމުލައް ސިޓީ ކައުންސިލުން ބުނީ އާދަޔާޚިލާފަށް ހުވަނީގެ ގިނަވެ އޭގެ އުނދަގޫ ރައްޔިތުންނަށް ފޯރަމުންދާ ކަމަށެވެ. އެހެންވެ އިއްޔެ އިން ފެށިގެން ބޭސް ޖަހަން ފަށާފައިވާ ކަމަށް ބުންޏެވެ.
ކައުންސިލުން ބުނީ ހުވަނީގެ އުނދަގޫ ބޮޑުވާ ނަމަ ރަސްމީ ބަންދު ދުވަސް ނޫން ކޮންމެ ދުވަހެއްގެ ހެނދުނު 08:00 އާއި 2:00 އާ ދެމެދު 7315001 އަށް ގުޅައި ބޭސް ޖެހުމަށް އެދި ރަޖިސްޓްރީ ވެސް ކުރެވޭނެ ކަމަށެވެ.
ކައުންސިލުން މިހާރު ސިޓީގެ ވަރަށް ގިނަ އާންމު ތަންނުގައި ހުރި ގަސްތަކަށް ބޭސް ޖަހަމުންނެވެ. އަދި ގޭގޭގައި ހުރި ގަސްތަކަށް ހުވަނީހެ މައްސަލަ ދިމާވެފައިވާ ނަމަ ބޭސް ޖަހަން އަވަހަށް ރަޖިސްޜްރީވުމަށް އެދިފައިވެ އެވެ. ފުވައްމުލަކަކީ ވަރަށް ގިނަ އަދަދަކަށް އަނބުގަސް ހުންނަ ސިޓީއެކެވެ.