އައްޑޫ ސިޓީ ސްކެއާގައި ހުންނަ ދިދަދަނޑި އަށް ދިމާވި މައްސަލަ ހައްލުކޮށް އަލުން ދިދަ ނަގަން ފަށައިފި އެވެ.
ކައުންސިލުން ބުނީ އަލުން ދިދަ ނަގަން ފެށީ ބޮޑުދިދައިގެ މޯޓަރު ސިސްޓަމަށް ދިމާވި މައްސަލަ ހައްލުކުރުމަށް ފަހު ކަމަށެވެ. އެއަށް މައްސަލަ ދިމާވެގެން ދިދަ ނެގުން މެދުކަނޑާލީ މީގެ ތިން ދުވަސް ކުރިންނެވެ.
ހިތަދޫ ލިންކް ރޯޑްގައި ޕޮލިސް ސްޓޭޝަން ކައިރީގައި ހަދާފައިވާ ސިޓީ ސްކެއާ އަކީ އައްޑޫގައި 2011 ގައި ބޭއްވި 17 ވަނަ ސާކް ސަމިޓާ ދިމާކޮށް ތަރައްގީކުރި ތަނެކެވެ. މި ތަނަކީ މިހާރު އައްޑޫގެ އެންމެ ހިތްގައިމު އެއް ތަނެވެ. އަދި ގިނަ ބަޔަކު ހިތްފަސޭހަކޮށްލަން ވެސް ބޭނުން ކުރަމުން އަންނަ ތަނެކެވެ.
ސިޓީ ސްކެއާގައި ތަފާތު ހަރަކާތްތައް ވެސް ބާއްވަމުން އަންނަ އިރު، ހަފުލާތަކަށް އެތަން ކުއްޔަށް ވެސް ކައުންސިލުން ދެ އެވެެ.