ނެޝަނަލް އިންސްޓިޓިއުޓް އޮފް އެޑިޔުކޭޝަން (އެންއައިއީ) އިސް ވެރިއަކަށް އެޑިއުކޭޝަން މިނިސްޓަރުގެ ނައިބު ޑރ. ފާތިމަތު ނިޝާން އައްޔަންކޮށްފި އެވެ.
އޭނަ އެ މަގާމަށް އައްޔަންކުރިކަން އިއުލާންކުރީ އާދީއްތަ ދުވަހު ބޭއްވި ބައްދަލުވުމެއްގައި އެޑިއުކޭޝަން މިނިސްޓަރު ޑރ. އިސްމާއިލް ޝަފީއު އެވެ.
އިންކްލޫސިވް އެޑިޔުކޭޝަންގެ ދާއިރާ އިން ޕީއެޗްޑީ ހެއްދެވި ނިޝާން، ކުރިން ހުންނެވީ ޑިޕާޓްމެންޓް އޮފް އިންކްލޫސިވް އެޑިޔުކޭޝަންގެ ޑިރެކްޓަ ޖެނެރަލްގެ މަގާމުގަ އެވެ. އޭނާ ވަނީ އެޑިއުކޭޝަން މިނިސްޓްރީ އާއި އިޔާސުއްދީން ސްކޫލުގެ އިތުރުން ގައުމީ ޔުނިވަސިޓީގައި ވެސް މަސައްކަތް ކުރައްވައިފަ އެވެ.
ޑރ. ނިޝާން ޕީއެޗްޑީ ހާސިލު ކުރެއްވީ ޔުނިވަސިޓީ އޮފް ބުރޫނާއީ ދާރުއްސަލާމްގަ އެވެ.