ޓޫރިޒަމް މިނިސްޓަރުގެ ނައިބުންނަށް އިތުރު ތިން ބޭފުޅަކު އައްޔަންކޮށްފި އެވެ.
އިއްޔެ އެ މަގާމަށް އައްޔަންކުރި ތިން ބޭފުޅުންނަކީ އައްޝަދު ސައީދާއި ނާޝިމާ އަބްދުއްލަތީފުގެ އިތުރުން އިބްރާހީމް ސުއޫދެވެ.
ޑރ. މުހައްމަދު މުއިއްޒުގެ ސަރުކާރު އައި ފަހުން ޓޫރިޒަމް މިނިސްޓްރީ އަށް ކުރިން ވެސް ދެ ޑެޕިއުޓީ މިނިސްޓަރުން އައްޔަންކޮށްފައިވެ އެވެ. އެ ދެ ބޭފުޅުންނަކީ އިބްރާހީމް ޔޫސުފުފުޅާއި މުހައްމަދު ޔާމީން އަހުމަދެވެ.
އާ ސަރުކާރުގެ ޓޫރިޒަމް މިނިސްޓަރަކީ އުބްރާހީމް ފައިސަލެވެ. އޭނަ އަކީ ރައީސް މުއިއްޒުގެ ސްޕެޝަލް އެޑްވައިޒަރުގެ މަގާމުގައ ހުންނެވި އަބްދުއްރަހިމް (އަދުރޭ) ގެ ދަރިކަލެކެވެ.
މި ސަރުކާރުން ބުނެފައިވާ ގޮތުގައި ސިޔާސީ މަގާމުތައް 700 އަށް ވުރެ ގިނައެއް ނުކުރާނެ އެވެ.
މިހާތަނަށް ވަރަށް ގިނަ މިނިސްޓްރީތަކަށް އެކި ފެންވަރުގެ މިނިސްޓަރުންނާއި އެކި ކުންފުނިތަކާއި އެކި އިދާރާތަކުގެ އިސް މަގާމުތަކަށް ބޭފުޅުން އައްޔަންކޮށްފައިވެ އެވެ.