އަންނަ މަހު މާލޭގެ މޭޔަރު ހޮވަން ބާއްވާ ބައި-އިލެކްޝަންގައި ހުސައިން ވަހީދު އަމިއްލަ ގޮތުން ވާދަކުރައްވަން ނިންމަވައިފި އެވެ.
ކުރީގެ ޕޮލިސް ކޮމިޝަނަރު އެގޮތަށް ނިންމެވީ އޭނަ އެންމެ ފަހުން ސޮއިކުރެއްވި ޕާޓީ، ޕީޕަލްސް ނެޝަނަލް ފްރޮންޓް (ޕީއެންއެފް) އަދި ރަޖިސްޓްރީކޮށްފައި ނުވާތީ އެވެ. ކުރީގެ ރައީސް އަބްދުﷲ ޔާމީން އިސްކޮށް ހުންނަވައިގެން އުފައްދަން މަސައްކަތްކުރާ ޕާޓީ ރަޖިސްޓްރީކުރަން އިލެކްޝަން ކޮމިޝަން (އީސީ) އިން ދިން ހުއްދައާ އެކީ މިހާރު އަންނަނީ 3،000 ސޮއިކޮށް ރަޖިސްޓްރީކުރަން ހުށަހެޅުމަށެވެ.
އަމިއްލަ ގޮތުން ވާދަކުރައްވަން ހުސައިން ފޯމް ހުށަހެޅުއްވުމާ ގުޅިގެން އީސީން ވަނީ ފޯމް ބަލައިގެންފަ އެވެ.
މޭޔަރު ހޮވާ އިންތިހާބު އޮންނާނީ އަންނަ މަހުގެ 13 ގަ އެވެ.
މި އިންތިހާބުގައި ޕީޕީއެމް/ޕީއެންސީގެ ފަރާތުން ކުރީގެ އެޓާނީ ޖެނެރަލް، އެމްޑީޕީގެ ފަރާތުން އާދަމް އާޒިމް އަދި ޑިމޮކްރެޓްސްގެ ފަރާތުން ސައިފު ތާއިފު ވާދަކުރައްވާނެ އެވެ.