ހިތަދޫ ޕޯޓުގައި ސޭފްޓީ އެންޑް ސެކިއުރިޓީ ޑްރިލްއެއް މިއަދު ހެނދުނު ކުރިއަށް ގެންދިއުމަށް ހަމަޖެހިފައިވާ ކަމަށް މޯލްޑިވްސް ޕޯޓްސް ލިމިޓެޑުން ހާމަކޮށްފިއެވެ.
އެމްޕީއެލްގެ ދަށުން ހިންގަމުންދާ ހިތަދޫ ޕޯޓު ލިމިޓެޑުގައި މި ޑްރިލް އޮންނާނީ މިއަދު ހެނދުނު 9:30 އިން 11:30 އަށް ކަމަށް އެމްޕީއެލްއިން ބުނެއެވެ. މި ޑްރިލްއަކީ ބަނދަރުގެ ސަލާމަތާއި ރައްކާތެރިކަން ހަރުދަނާ ކުރުމުގެ ގޮތުން އިންޓަނޭޝަނަލް ޝިޕް އެންޑް ޕޯޓްސް ފެސިލިޓީ ކޯޑުގެ މިންގަނޑާއި އެއްގޮތަށް ކުރިއަށް ގެންދާ ޑްރިލްއެކެވެ.
ޑްރިލްއަށް ފަހު ކުއްލި ހާލަތަކަށް ތައްޔާރުވުމަށް އިތުރަށް ހަރަދަނާ ކުރަން ޖެހޭ ކަންކަމާއި ގުޅޭގޮތުން މަޝްވަރާ ކުރެވޭނެއެވެ.
މީގެ ކުރިން މި ޑިސެމްބަރު މަހުގެ 9 ވަނަ ދުވަހު މާލެ ވިޔަފާރި ބަނދަރުގައި ވެސް މިފަދަ ސޭފްޓީ އެންޑް ސެކިއުރިޓީ ޑްރިލްއެއް ވަނީ ބާއްވާފައެވެ.