މޯލްޑިވްސް ޕޯޓްސް ލިމިޓަޑް (އެމް.ޕީ.އެލް)ގެ އިންޓާރންޝިޕް ޕްރޮގްރާމްގައި ބައިވެރިވުމުގެ ފުރުސަތު ހުޅުވާލައިފިއެވެ.
ސާނަވީ އަދި މަތީ ސާނަވީ ތަޢުލީމް ހާސިލްކުރަމުންދާ ދަރިވަރުންނަށް މަސައްކަތުގެ މާހައުލުގެ އަމަލީ ހުނަރުތައް ދަސްކޮށްދީ، ތަޖުރިބާ ހޯދައިދިނުމުގެ ގޮތުން ހިންގާ މި ޕްރޮގްރާމަށްގައި ބައިވެރިވުމުގެ ފުރުސަތު މިމަހުގެ 17 ވަނަ ދުވަހާއި ހަމައަށް ވަނީ ހުޅުވާލާފައެވެ.
އެމްޕީއެލްގެ ލާރނިންގ އެންޑް ޑިވެލޮޕްމަންޓް ޑިޕާޓްމަންޓް (އެލް.ޑީ.ޑީ) އިން ހިންގާ އިންޓާރންޝިޕް ޕްރޮގްރާމް ކުރިއަށް ގެންދިއުމަށް ހަމަޖެހިފައިވަނީ 24 ޑިސެންބަރ 2023 އިން 4 ޖަނަވަރީ 2024ގެ ނިޔަލަށެވެ.
Unlock the doors to your future with MPL's transformative internship! Immerse yourself in engaging lectures, hands-on activities, and valuable connections with industry professionals. Elevate your communication and leadership skills while preparing for college and beyond.
Scan… pic.twitter.com/5WPSoV4gDc
— Maldives Ports Limited (@Portmv) December 11, 2023
މި އަހަރުގެ އިންޓާރންޝިޕް ޕްރޮގްރާމްގައި ދަރިވަރުން ތަމްރީނު ދިނުމަށް ކަނޑައަޅާފައިވާ ދާޢިރާތަކަކީ:
- އިންޖީން ރިޕެއަރ އެންޑް މެއިންޓަނަންސް – މެރިން ސެކްޝަން (2 ޖާގަ)
- ފެބްރިކޭޝަން އޮފް ބްރާސް އިމްޕެލާރ – މެޝީން ޝޮޕް (2 ޖާގަ)
- ކާޕެންޓްރީ (2 ޖާގަ)
- ޕަވަރަ ޖެނަރޭޝަން އެންޑް ޑިސްޓްރިބިއުޝަން – އިލެކްޓްރިކް އެންޑް އިލެކްޓްރޯނިކް (2 ޖާގަ)
- އެޗްވީއޭސީ އެންޑް އިލެކްޓްރިކަލް ސާރވިސް – އިލެކްޓްރިކް އެންޑް އިލެކްޓްރޯނިކް (2 ޖާގަ)
- ގްރެފިކް ޑިޒައިނިންގ (1 ޖާގަ)
- ކޮޕީ ރައިޓިންގ (1 ޖާގަ)
- ސިވިލް އިންޖިނިއަރިންގ / ސާރވޭއިން (1 ޖާގަ)
- އާކިޓެކްޗަރަލް ޑްރާފްޓިންގ (1 ޖާގަ)
މި ޕްރޮގްރާމްގައި މަސައްކަތުގެ އަމަލީ ތަޖުރިބާ ހޯދާއިރު، ކޮންމެ ކުއްޖަކަށް ވެސް މެންޓަރއެއް ހަމަޖައްސައި ދެވޭނެއެވެ. އަދި މަސައްކަތުގެ މާހައުލުގައި ދަރިވަރުންނަށް މަސައްކަތުގެ ހުނަރު ދަސްކޮށްދީ، މަޢުލޫމާތުތައް ދިނުމުގައި އެންމެ ބޮޑު ދައުރެއް އަދާކުރާނީ މެންޓަރގެ ގޮތުގައި ކަނޑައަޅާފައިވާ މުވައްޒަފުންނެވެ.
މި ޕްރޮގްރާމްގެ އެއް ބޭނުމަކީ އެމް.ޕީ.އެލްގައި އޮތް ވަޒީފާގެ ފުރުސަތުތަކާއި، ދާއިރާތަކަށް ދަރިވަރުން އަހުލުވެރިކޮށް، މެރިޓައިމްއާ ގުޅުންހުރި ދާއިރާތަކަށް ދަރިވަރުން ޝައުގުވެރިކުރުމާއި ޕޯޓުގައި ކުރާ މަސައްކަތްތަކާމެދު ދަރިވަރުން އަހުލުވެރިކުރުމެވެ.