ރައީސް ޑރ. މުހައްމަދު މުއިއްޒުގެ ކޮއްކޮ ފާތުމަތު ސައުދާ ރައްޔިތުންގެ މަޖިލީހަށް ވާދަކުރައްވަން ނިންމަވައިފި އެވެ.
އަންނަ އަހަރު ބާއްވާ މަޖިލިސް އިންތިހާބުގައި، ސައިކޮލޮޖީ ދާއިރާ އިން ތައުލީމު ހާސިލުކުރައްވާފައިވާ ސައުދާ ވާދަކުރައްވަން ނިންމާފައި ވަނީ ފ. ނިލަންދޫ ދާއިރާއަށެވެ. އޭނަ ވާދަކުރައްވާނީ ޕީޕީއެމް/ޕީއެންސީގެ ޓިކެޓްގަ އެވެ. އެގޮތުން އަންނަ މަހު ބާއްވާ ޕްރައިމަރީ އަށް ސައުދާ ވަނީ ފޯމް ވެސް ހުށަހަޅުއްވައިފަ އެވެ.
ރައީސް އަބްދުﷲ ޔާމީންގެ ވެރިކަމުގައި ހެލްތު މިނިސްޓަރުގެ ޑެޕިއުޓީ މިނިސްޓަރުގެ މަގާމު ވެސް އަދާކުރެއްވި ސައުދާ އަކީ ރައީސް މުއިއްޒުގެ ހަމައެކަނި އެއްބަނޑު އެއްބަފާ ކޮއްކޮ އެވެ.