ޕްރޮސެކިއުޓާ ޖެނެރަލް (ޕީޖީ) އޮފީހުގެ ވަކީލަކު އެއްޖިންސުން ގުޅުން ހިންގި ކަމަށް ތުހުމަތުކުރެވޭ މައްސަލައެއް ފުލުހުން ބަލަން ފަށައިފި އެވެ.
ފުލުހުން ބަލަން ފަށާފައި ވަނީ އެ އޮފީހުގެ އިސް ވަކީލެއްގެ މަގާމުގައު ހުރި އަހުމަދު ޝަފީއުގެ މައްސަލަ އެވެ.
ފުލުހުން ބުނީ، އޭނަ އެއްޖިންސުން ގުޅުން ހިންގި ކަމަށް ތުހުމަތުކޮށް ސޯޝަލް މީޑިއާގައި ދައުރުވަމުންދާ މައުލޫމާތުތެއް ފުލުހުންގެ ސަމާލުކަމަށް އައިސްފައިވާތީ އެކަން ބަލަމުން އަންމަ ކަމަށެވެ.
އެގޮތުން އާންމުވެފައިވާ ފޮޓޯތަކެއްގައި ހުސްގަޔާ ފިރިހެނަކާ އެކީ ޝަފީއު އެނދުމަތީގައި އޮންނަ ފޮޓޯއަކާއި "އައި އޭމް ކީރިތި ރަސޫލާ" އޭ ލިޔެ، ސްނެޕްކޮށްފައިވާ ފޮޓޯއެއް ވެސް ދައުރުވެފައިވެ އެވެ.
މިކަން ފެންމަތިވުމުން ޝެއިހް އާދަމް ނިޝާން ސޯޝަލް މީޑިއާ ޕޯސްޓެއްގައި އިސްލާމް ދީނަށް ފުރައްސާރަކޮށް، ހަޖޫ ޖަހައި، އެއްޖިންސުން ގުޅުން ހިންގުމާއި، އަންހެން ފިރިހެންދުޅާވެ، ފާޙިޝް ހަޑިމުޑުދާރު ޢަމަލު ފެތުރުމަށް މަސައްކަތްކުރާ، މި މުރުތައްދު ލާދީނީ ފަރާތްތައް ވަގުތުން ހިފާ ހައްޔަރު ކުރުމަށް ސަރުކާރަށް ގޮވާލާފައިވެ އެވެ.
ކުރިން ޕީއެސްއެމްގައި ޚަބަރު ވެސް ކިޔަން އުޅުނު ޝަފީއު އަކީ ޕީޖީ އޮފީހުގެ ތަރުޖަމާނުކަން ވެސް ކުރަމުން އަންނަ މީހެކެވެ.
ޝަފީއުގެ މައްސަލަ ފުލުހުން ބަލަން ފެށި އިރު، އޭނަގެ މައްޗަށް ކުރިން ވެސް އެއްޖިންސުން ގުޅުން ހިންގާ ކަމަށް ތުހުމަތުކޮށް، އެ ވާހަކަ ސޯޝަލް މީޑިއާގައ ބައެއް މީހުން ހިއްސާކޮށްފައިވެ އެވެ.