މި ވަގުތު ސިޔާސީ މަސައްކަތްތަކުން ކުރީގެ ރައީސް މުހައްމަދު ނަޝީދު ދުރަށް ވަޑައިގަންނަވަން ނިންމެވުމާ ގުޅިގެން އިލެކްޝަން ކޮމިޝަން (އީސީ) ގެ ރައީސް ފުއާދު ތައުފީގު ތައުރީފު ކުރައްވައިފި އެވެ.
އޭނަ ސޯޝަލް މީޑިއާ ޕޯސްޓެއްގައި ވިދާޅުވީ ނަޝީދުގެ އެ ނިންމެވުމަށް އިހުތިރާމުކުރައްވާ ކަމަށާއި އެއީ ހިތްވަރު ގަދަ ނިންމެވުމެއް ކަމަށެވެ. ފުއާދު ވިދާޅުވީ ރާއްޖެ އަށް ނަޝީދުކޮށް ދެއްވި އަގުހުރި މަސައްކަތްތަކާއި ވެވަޑައިގަތް ގުރުބާނީތަކަކީ އަބަދު ވެސް ގައުމު ހަނދާންކުރާނެ ކަންކަމެވެ.
Dear President @MohamedNasheed, I respect yr decisions, & I admire your courage. My best wishes are with you.
It was a miracle from Allah that you survived the terrorist attack. Your invaluable services, sacrifices & contributions to the Nation will be remembered at all times. https://t.co/X60GJh47ik— Fuwad Thowfeek (@FuwadThowfeek) December 13, 2023
އަދި މިދިޔަ އަހަރުގެ މެއި މަހުގެ ތެރޭގައި ނަޝީދު އަވަހާރަކޮށްލަން ދިން ޓެރަރިސްޓް ހަމަލާއިން ސަލާމަތްވެވަޑައިގަތުމަކީ މުއުޖިޒާތެއް ކަމަށް ވެސް ފުއާދު ވިދާޅުވި އެވެ.
ސިޔާސީ މަސައްކަތްތަކާ މި ވަގުތު ދުރަށް ވަޑައިގަންނަވަން ނިންމެވިކަން ނަޝީދު އިއުލާންކުރެއްވީ އިއްޔެ އެވެ.
ނަޝީދު ސިޔާސީ މަސައްކަތްތަކުން އެކަހެރިވެވަޑައިގެންނެވި އިރު، އެ މަނިކުފާނު އިސްކޮށް ހުންނަވައިގެން އުފެއްދެވި އެމްޑީޕީން ވަކިވެވަޑައިގެން މި އަހަރު ވަނީ ދަ ޑިމޮކްރެޓްސްގެ ނަމުގައި ސިޔާސީ ޕާޓީއެއް ވެސް އުފައްދަވައިފަ އެވެ. ނަޝީދު ވަނީ ރާއްޖޭގެ ރައީސްކަމުގެ އިތުރުން މަޖިލީހުގެ ރައީސްކަން ވެސް ކުރައްވައިފަ އެވެ.