ހިތަދޫ ޕޯޓުގައި ހެލްތު، ހެލްތު، ސޭފްޓީ އެންޑް އެންވައިރޮމެންޓް ޔުނިޓެއް ޤާއިމްކޮށް އިފްތިތާހްކޮށްފިއެވެ.
މޯލްޑިވްސް ޕޯޓްސް ލިމިޓެޑުގެ ދަށުން ހިންގާ ހިތަދޫ ޕޯޓުގައި ޤާއިމް ކުރި މި ޔުނިޓް އިފްތިތާޙްކޮށްދެއްވީ އެމްޕީއެލްގެ އައު ސީއީއޯ، މުހައްމަދު ވަޖީޙް އިބްރާހީމްއެވެ. މި ޔުނިޓް އިފްތިތާހް ކޮށްދެއްވާފައިވަނީ އެމްޕީއެލްގެ އިސްވެރިންގެ ޓީމެއް ބުދަ ދުވަހު އޮތް ހިތަދޫ ޕޯޓް ލިމިޓެޑަށް ކުރެއްވި ޒިޔާރަތުގެ ތެރެއިންނެވެ.
ހިތަދޫ ޕޯޓްގެ ހެލްތު،ސޭފްޓީ އެންޑް އެންވަޔަރމަންޓު ޔުނިޓްގެ އިސްނެގުމާއި އެކު، އެމް.ޕީ.އެލްގެ ސޭފްޓީ ޑިޕާޓްމަންޓާއި އެމް.އެން.ޑީ.އެފް އަދި އައްޑޫ އީކުއިޓޯރިއަލް ހޮސްޕިޓަލް ގުޅިގެން ހިތަދޫ ޕޯޓުގައި އެމެރޖެންސީ އިވެކުއޭޝަން ޑްރިލްއެއް މިއަދު ވަނީ ހިންގައިފަ. މި ޑްރިލް ރަސްމީކޮށް… pic.twitter.com/j94WjcGMMY
— Maldives Ports Limited (@Portmv) December 13, 2023
މި ދަތުރުގެ ތެރެއިން ސީ.އީ.އޯ ވަޖީޙް ވަނީ ހިތަދޫ ރީޖަނަލް ޕޯޓުގައި ކުރިއަށް ގެންދިޔަ އެމަރޖެންސީ އިވެކުއޭޝަން ޑްރިލް ބައްލަވާލައްވައިފައެވެ. މި ޑްރިލްއަކީ އެމް.ޕީ.އެލްގެ ޕޯޓުތަކުގެ ސަލާމަތާއި ރައްކާތެރިކަމާއި ކުއްލި ހާލަތްތަކުގެ ތައްޔާރީތައް ހަރުދަނާކުރުމަށް މެދުކެނޑުމެއްނެތި މި ކުންފުނިން ކުރަމުންދާ މަސައްކަތުގެ ތެރެއިން ކުރިއަށް ގެންދިޔަ ޑްރިލްއެކެވެ. މި ޑްރިލް ކުރިއަށް ގެންދިޔައީ އެމް.ޕީ.އެލްގެ ހެލްތު އެންޑް ސޭފްޓީ ޑިޕާޓްމަންޓާއި އެމް.އެން.ޑީ.އެފް އަދި އައްޑޫ އީކުއެޓޯރިއަލް ހޮސްޕިޓަލް ގުޅިގެންނެވެ. މި ޑްރިލްގައި ބައިވެރިވި ހުރިހާ ފަރާތްތަކަށް ވަނީ ސެޓްފިކެޓް ދީފައެވެ.
އެމްޕީއެލްގެ ސީއީއޯ ވަޖީހް ހިތަދޫ ޕޯޓަށް ވަޑައިގެން އެޕޯޓްގެ ޙާލަތު ބައްލަވާލައްވާ، އެ ޕޯޓް ގެ މުއައްޒަފުންނާ ބައްދަލުކުރައްވައިފިއެވެ. މި ބައްދަލު ވުމުގައި ޕޯޓްގެ މަސައްކަތް އިތުރަށް ފުޅާކޮށް އާމްދަނީ އިތުރު ކުރެވޭނެ ގޮތްތަކާ ބެހޭގޮތުން މަޝްވަރާކުރެއްވިއެވެ.… pic.twitter.com/3tSxv62i21
— Maldives Ports Limited (@Portmv) December 13, 2023
މިއީ އެމް.ޕީ.އެލްގެ ސީ.އީ.އޯގެ މަޤާމާ ހަވާލުވެވަޑައިގަތް ފަހުން، ހިތަދޫ ރީޖަނަލް ޕޯޓަށް ސީ.އީ.އޯ ވަޖީހް ކުރެއްވި ފުރަތަމަ ޒިޔާރަތެވެ. މި ޒިޔާރަތުގައި ސީ.އީ.އޯ ވަޖީޙް ވަނީ ހިތަދޫ ރީޖަނަލް ޕޯޓްގެ މަސައްކަތްތައް ކުރިއަށްދާގޮތް ބައްލަވާލައްވައި، އެ ޕޯޓުގެ ހާލަތާ ގުޅޭ މަޢުލޫމާތުތައް ހޯއްދަވައިފައެވެ.
މީގެ ިއތުރުން ޕޯޓުގެ މުވައްޒަފުންނާ ބައްދަލުކުރައްވައި، އެ މުވައްޒަފުންގެ ހުރު ކަންބޮޑުވުންތައް ވަނީ އަޑުއައްސަވާފައެވެ. އަދި ހިތަދޫ ރީޖަނަލް ޕޯޓްގެ މަސައްކަތްތައް އިތުރަށް ހަރުދަނާކުރުމާ ގުޅޭގޮތުން މަޝްވަރާކުރައްވައިފައެވެ.