ބަރަހަނާ ސައިޓްތަކަށް ނުވަދެވޭ ގޮތް ހެދުމަކީ މި ސަރުކާރުން އެޅި މުހިއްމު ފިޔަވަޅެއް ކަމަށް ކުރީގެ ޔޫތު މިނިސްޓަރު އަހުމަދު މަހްލޫފް ވިދާޅުވެއްޖެ އެވެ،
އެ ނިންމުމަށް ޝުކުރު ދަންނަވައި އޭނަ ފޭސްބުކް ޕޯސްޓެއްގައި ވިދާޅުވީ ބަރަހަނާ ވެބްސައިޓުތައް ބްލޮކްކުރަން ނިންމުމަކީ މުޖުތަމައު އިން ބަލައި ގަންނަން ވެސް ޖެހޭ ކަމެއް ކަމަށެވެ.
"މިކަމުގެ ސަބަބުން އެނގުމާއި ނޭނގުމުގެ ތެރެއިން އެތައް ކުޑަކުދިންނެއް ދިޔައީ ހަލާކުވެ ބައިވަރު އިޖުތިމާއީ މައްސަލަތަކެއް ނުކުންނަމުން،" މަހްލޫފް ވިދާޅުވި އެވެ. "މި މުހިއްމު ނިންމުމަށް ސަރުކާރަށް ޝުކުރު އަދާކުރަން."
ބަރަހަނާ ސައިޓްތަކަށް ނުވަދެވޭ ގޮތަށް ކޮމިއުނިކޭޝަންސް އޮތޯރިޓީ އޮފް މޯލްޑިވްސް (ކޭމް) އިން ހެދީ ސަރުކާރުން އަންގައިގެންނެވެ. މިއީ މިފަދަ ނިންމުމެއް ރާއްޖޭގައި ނިންމި ފުރަތަމަ ފަހަރެވެ.
ރާއްޖެ އަކީ އެއްވެސް ހުރަހަރެއް ނެތި ބަރަހަނާ ސައިޓްތަކަށް އެކްސެސްވުމުގެ ދޮރު މިހާތަނަށް ވަރަށް ބޮޑަށް ހުޅުވިފައި އޮތް ގައުމެކެވެ. މީގެ ސަބަބުން ފޯނޮގްރަފަރީ އަށް އެތައް ބަޔަކު ހުށަހެޅިފައިވެ އެވެ. މީގެ ތެރޭގައި އެކި އުމުރުގެ މީހުން ހިމެނެ އެވެ