ބިޒްނަސް ސެންޓަރ ކޯޕަރޭޝަންގެ މެނޭޖިންގް ޑިރަކްޓަރުކަމަށް ކުރީގެ ޕްރެޒެންޓަރ އިބްރާހިމް ޒިޔާއު އައްޔަން ކޮށްފިއެވެ.
ޒިޔާއު އެ މަޤާމަށް އައްޔަން ކުރިއިރު، އޭނާ އަކީ ބީސީސީގެ ހެޑް އޮފް އައުޓްރީޗްގެ މަޤާމުގައި ހުންނެވި ބޭފުޅާއެވެ. ޕްރެޒެންޓަރެއްގެ ގޮތުގައި އާންމުގެ ތެރޭ މަޤްބޫލުކަން ހޯދާފައިވާ ޒިޔާއު ވަނީ ޓީވީ ޕްރޮގްރާމުތަކުގެ އިތުރުން މޯލްޑިވިއަން އައިޑޮލްވެސް މީގެ ކުރިން ހޯސްޓް ކޮށްދީފައެވެ.
އިކޮނޮމިކް މިނިސްޓްރީގެ ދަށުން ހިންގާ ބީސީސީ އަކީ ރާއްޖޭގެ ބިޒްނަސް ސެންޓަރުތަކުގެ މަސައްކަތް ބަލަހައްޓާ އަދި އޭގެ ދަށުން ވިޔަފާރިވެސް ކުރާ ކުންފުންޏެކެވެ. އެގޮތުން ބީސީސީގެ ދަށުން ރާއްޖޭގެ ފަތުރުވެރިކަމުގެ ދައިރާއަށް ހާއްސަ ސުވެނިއަރ ވިއްކުމަށް އޮތެންޓިކް މޯލްޑިވްސް ހިންގައެވެ.
Here’s to embracing new beginnings and reaching new heights together. Congratulations to our new Managing Director Mr. Ibrahim Ziyau Mohamed. pic.twitter.com/hb86CyJ5uL
— Business Center Corporation (@BCC_mv) December 18, 2023
މީގެ އިތުރުން ކުދި ވިޔަފާރިތަކަށް މަސައްކަތުގެ މާހައުލު ފޯރުކޮށްދީ ވިޔަފާރިތައް ކުރިއެރުވުމަށް އެހީވުމަށް ޤާއިމްކޮށްފައިވާ ސީޑް އަކީ ބީސީސީގެ މަސައްކަތުގެ ތެރެއިން ހިންގާ ތަންތަނެވެ. އަދި ވިޔަފާރި މައުލޫމާތުތަކާއި އަދި ޕްރޮގްރާމު ގެނެސް ދިނުމަށް ހަދާފައިވާ މޯލްޑިވްސް ބިޒްނަސް ނެޓްވޯކް ވެސް ހިންގަނީ ބީސީސީގެ ދަށުންނެވެ.
ބީސީސީއަކީ 100 ސަރުކާރު ހިއްސާވާ ކުންފުންޏެކެވެ.