މި މަހުގެ ތިން ވަނަ ދުވަހުން ފެށިގެން އާއިލާ އަށް ފިލައިގެން އުޅުނު 16 އަހަރުގެ ހިތަދޫ އަންހެން ކުއްޖާ ހޯދައި އޭނާގެ އާއިލާ އާ މިއަދު ހަވާލުކޮށްފި އެވެ.
ހިތަދޫ، ސްޕޮންޖްގެ، ފާޠިމަތު ރަޝޫފް، 16، އާއިލާއަށް ފިލާފައިވާ ކަމަށް އާއިލާގެ ފަރާތުުން ފުލުހުންނަށް ރިޕޯޓް ކުރީ މި މަހުގެ މަހުގެ ތިން ވަނަ ދުވަހުގެ ދަންވަރުގެ ވަގުތެއްގަ އެވެ.
ފުލުހުން ބުނީ އޭނާ ހޯދަމުން ދަނިކޮށް ފެނުނީ ވިލިމާލެ، ބޭންކް އޮފް މޯލްޑިވްސް (ބީއެމްއެލް) ސަރަހައްދުން މިއަދު މެންދުރު ފަހު 2:15 އެހާކަށްހާއިރު އެވެ.
އާއިލާ އިން ފުލުހުން ކައިރީ ބުނެފައި ވަނީ ވެސް ރަޝޫފު ވިލިމާލޭގައި އުޅުން އެކަށީގެންވާ ކަމަށެވެ.
ފުލުހުން އަދި ބުނީ ރަޝޫފް ހޯދުމުގައި ވިލިމާލެ ރައްޔިތުންގެ ފަރާތުން ވަރަށް ބޮޑަށް އެހީތެރިކަން ލިބިފައިވާ ކަމަށާއި އެކަމަށް ޝުކުރު އަދާ ކުރާ ކަމަށެވެ.