ހުސްވެފައިވާ ޕޮލިސް ކޮމިޝަނަރުގެ މަގާމަށް ދެ ބޭފުޅަކު ކުރިމަތިލައްވައިފި އެވެ.
އެ ދެ ބޭފުޅުންނަކީ އެސިސްޓެންޓް ކޮމިޝަނަ އޮފް ޕޮލިސްގެ މަގާމުގައި މިހާރު ތިއްބެވި އިސްމާއީލް ނަވީން އާއި ޢަލީ ޝުޖާއު ކުރިމަތިލައްވައިފި އެވެ.
ސީޕީގެ މަގާމަށް ކުރިމަތިލާން ހޯމްލޭންޑް މިނިސްޓްރީން ދިން މި މަހުހގެ 14 ގައި ދިން ސުންގަޑި ހަމަވީ އިއްޔެ އެވެ. އަދި އެ މަގާމަށް ހުޅުވައިލީ އެސިސްޓެންޓް ކޮމިޝަނަރު ރޭންކުން ފެށިގެން މަތީގެ ބޭފުޅުންނަށެވެ.
ސީޕީގެ މަގާމަށް ނަވީން އާއި ޝުޖާއު ކުރިމަތިލެއްވުމާ ގުޅިގެން ދެ ބޭފުޅުންގެ ނަން މިހާރު އޮތީ ޕޮލިސް ބޯޑަށް ފޮނުވައިފަ އެވެ. ފުލުހުންގެ ގާނޫނުގައިވާ ގޮތުން ނަންތައް ޕޮލިސް ބޯޑުން ދިރާސާކުރުމަށް ފަހު ހޯމް މިނިސްޓަރަށް ހުށަހެޅުމުން، ސީޕީގެ މަޤާމަށް ބޭފުޅަކު ޢައްޔަންކުރެއްވުމަށް މިނިސްޓަރު، ރައީސުލްޖުހޫރިއްޔާ އަށް ލަފާ އަރުއްވާނެ އެވެ.
ސީޕީގެ މަޤާމް އެންމެ ފަހުން ފުރުއްވާފައިވަނީ މުޙައްމަދު ހަމީދެވެ. އޭނަ ވަނީ އެ މަގާމުން މިދިޔަ މަހުގެ 15 ގައި ރިޓަޔަކުރައްވައިފަ އެވެ.
އޭގެ ފަހުން އެކްޓިން ސީޕީގެ މަގާމުގައި ހުންނެވީ އެސިސްޓެންޓް ކޮމިޝަނަރު ފަރުހާދު ފިކުރީ އެވެ.