ނައިބު ރައީސް ހުސައިން މުހައްމަދު ލަތީފު ރަސްމީ ދަތުރެއްގައި އަނެއްކާ ވެސް ރާއްޖެ އިން ބޭރަށް ފުރާވަޑައިގެންފި އެވެ.
ރައީސް އޮފީހުން މިއަދު ބުނީ އެ މަނިކުފާނުގެ މި ދަތުރަކީ ރިޕަބްލިކް އޮފް މޮންޓެނީގްރޯގެ ޑަނިލޮވްގްރަޑްގައި ބާއްވާ 3 ވަނަ ކޮންގްރެސް އޮފް ޑިމޮކްރެޓިކް މޮންޓެނީގްރޯގައި ބައިވެރިވެވަޑައިގަތުމަށް ކުރައްވާ ދަތުރެއް ކަމަށެވެ.
މި ކޮންގްރެސް އޮންނާނީ މި މަހުގެ 24-26 އަށެވެ.
ކޮންގްރެސްގައި ނައިބު ރައީސް ބައިވެރިވަޑައިގަންނަވަނީ މޮންޓެނީގްރޯގެ ޑެޕިއުޓީ ޕްރައިމް މިނިސްޓަ ފޮ ސެކިއުރިޓީ، އިންޓާނަލް ޕޮލިސީ، ޔޫރަޕިއަން އެންޑް ފޮރިން އެފެއާޒް އަދި އެ ގައުމުގެ ރައީސް އަލެކްސާ ބެސިކްގެ ދަޢުވަތަކަށެވެ.
ރާއްޖެ އާއި މޮންޓަނީގްރޯއާ ދެމެދު ސިޔާސީ ގުޅުން ގާއިމުކުރީ ނޮވެންބަރު 24، 2009 ގަ އެވެ.
ނައިބު ރައީސް ދާދި ފަހުން ޗައިނާ އާއި ސްވިޓްޒަލޭންޑަށް ވެދސް ވަޑައިގެންނެވި އެވެ.