ޓޫރިޒަމް މިނިސްޓަރު އިބްރާހީމް ފައިސަލް ލ. އަތޮޅުގެ ހުރިހާ ރަށަކަށް ހަފުތާ ބަންދުގައި ވަޑައިގެން ޓޫރިޒަމް ކުރިއެރުވުމާ ގުޅޭ ގޮތުން މަޝްވަރާ ކުރައްވައިފި އެވެ.
މިނިސްޓަރުގެ ދަތުރުގައި ރަށްރަށުގެ ކައުންސިލްތަކާއި ޓޫރިޒަމް ދާއިރާގައި މަސައްކަތްކުރާ މީހުންނާއި އާންމުންނާ ވެސް ބައްދަލުކުރައްވައި ލ. އަތޮޅުގެ ރަށްރަށުގައި ޓޫރިޒަމް ދާއިރާ ފުޅާކޮށް، ތަރައްގީކުރުމާ ގުޅޭ ގޮތުން މަޝްވަރާކޮށް، ހިޔާލު ހޯއްދެވި އެވެ.
ލ. އަތޮޅަކީ ގެސްޓްހައުސްގެ ވިޔަފާރި ވަރަށް ބޮޑަށް ފުޅާވަމުން އަންނަ ރާއްޖޭގެ އެންމެ ބޮޑު އެއް އަތޮޅެވެ.
މިނިސްޓަރު ފައިސަލް މަގާމާ ހަވާލުވެވަޑައިގަތް ފަހުން އަތޮޅުތެރެއަށް ކުރެއްވި ފުރަތަމަ ދަތުރުގެ ތެރެއިން ލ. ގަން، ކުނަހަންދޫ، ހިތަދޫ، މާމެންދޫ، ކަލައިދޫ، އިސްދޫ، ދަނބިދޫ، މާބައިދޫ، މުންޑޫ އަދި މާވަށަށް ވަޑައިގެންނެވި އެވެ.
މިނިސްޓަރުގެ މި ރަށްށަށް ކުރެއްވި ދަތުރުގައި ރައީސް ޑރ. މުހައްމަދު މުއިއްޒުގެ ސަރުކާރުގެ "ހަފުތާ 14" ގައި ލޯކަލް ޓޫރިޒަމް ކުރިއަރުވަން ރާވާފައިވާ ކަންތައްތަކާ ބެހޭ ގޮތުން މައުލޫމާތު ހިއްސާކުރެއްވި އެވެ.