ސްކޫލް ބަންދާ އެކީ ކުރީގެ ޔޫތު މިނިސްޓަރު އަހުމަދު މަހްލޫފް ދަރިފުޅާ އެކީ އުމްރާގެ އަޅުކަމަށް ވަޑައިގެންފި އެވެ.
މި ދަތުރުގައި މަހްލޫފްގެ ހަމައެކަނި ދަރިފުޅު ލައިބާ މަހްލޫފްގެ އިތުރުން އަނބިކަނބަލުން ނަޒުރާ ނަސީމު ވެސް ބައިވެރިވެވަޑައިގަންނަވަ އެވެ. އުމްރާ ދަތުރުގެ ފޮޓޯތަކެއް މަހްލޫފް މިއަދު ސޯޝަލް މީޑިއާގައި ވެސް ޕޯސްޓްކުރައްވާފައިވެ އެވެ.
މަހްލޫފަކީ ކުރިން ހައްޖުގެ އަޅުކަން ވެސް އަދާކުރައްވާފައިވާ ބޭފުޅެކެވެ.
ރައީސް އިބްރާހީމް މުހައްމަދު ސޯލިހުގެ ސަރުކާރު ބަދަލުވުމާ އެކީ މާލޭގެ މޭޔަރު ކަމަށް މަހްލޫފް ވާދަކުރައްވަން ނިންމެވި އެވެ. އެކަމަކު އަންނަ މަހުގެ 13 ގައި ބާއްވާ ބައި-އިލެކްޝަންގައި އޭނަ ވާދައެއް ނުކުރައްވަ އެވެ.