މެލޭޝިއާގައި ހުންނަވާ ރާއްޖޭގެ ޑެޕިއުޓީ އެމްބެސެޑަރުގެ ނަގާމުގައި ހުންނެވި ރައްޔިތުންގެ މަޖިލީހުގެ މަރަދޫ ދާއިރާގެ މެންބަރު އިބްރާހީމް ޝަރީފު (މަވޯޓާ) ގެ ދަރިކަނބަލުން މިޒުނާ ޝަރީފުގެ މަގާމު މި ސަރުކާރުން ދަމަހައްޓައިފި އެވެ.
އަންނަ އަހަރުގެ މާޗްގެ ނިޔަލަށް އޭނަ ޑެޕިއުޓީ އެމްބެސެޑަރުގެ މަގާމުގައި ބަހައްޓަން ޑރ. މުހައްމަދު މުއިއްޒުގެ ސަރުކާރުން ނިންމި އިރު، މަވޯޓާ އިއްޔެ ވަނި އެމްޑީޕީން ވަކިވެވަޑައިގެންފަ އެވެ. އަންނަ އަހަރުގެ މާޗްގެ ނިޔަލަށް މިޒްނާ މަގާމުގައި ބަހައްޓަން ނިންމައި ފޮރިން މިނިސްޓްރީން އެކަމުގެ ލިޔުން އޭނަ އަށް ފޮނުވީ މި މަހުގެ 20 ގަ އެވެ.
މިގޮަތަށް ނިންމި އިރު އާ ސަރުކާރާ އެކީ ބޭރުގެ އެމްބަސީތަކާއި މިޝަންތަކުގެ ސިޔާސީ މަގާމުތަލުގައި ތިއްބެވި ސިޔާސީ ބޭފުޅުން މިދިޔަ މަހުގެ 18 ގެ ކުރިން ރާއްޖެ ވަޑައިގަތުމަށް އޭރު އިންތިހާލީ އޮފީހުން އެންގި އެވެެ. އަދި އެ ބޭފުޅުންގެ ޑިޕްލޮމެޓިކް ޕާސްޕޯޓްގެ މުއްދަތު މި މަހުގެ ނިޔަލަަށް ހަމަވާނެ ކަމަށް ވެސް އޮތީ އަންގައިފަ އެވެ.
މެލޭޝިއާގައި ހުންނަވާ ޑެޕިއިޓީ އެމްބެސެޑަރަކަށް މިޒްނާ އައްޔަންކުރީ ރައީސް އިބްރާހީމް މުހައްމަދު ސޯލިހުގެ ވެރިކަމުގަ އެވެ.
މަވޯޓާ ވިދާޅު ގޮތުގައި ފެށުނީއްސުރެ އޭނަ ހުންނެވި ޕާޓީ، އެމްޑީޕީން ވަކިވެވަޑައިގެންނެވީ އޭނަގެ ދާއިރާގައި ފަށާފައި ހުރި ތަރައްގީގެ މަޝްރޫއުތައް ކުރިއަށް ގެންދަން ފުރުސަތު ފަހި ކުރުމަށް ބޭނުންވާތީ ކަމަށެވެ.