ލޯކަލް ގަވަރަމަންޓް އޮތޯރިޓީ (އެލްޖީއޭ) ގެ ސީއީއޯގެ މަގާމަށް ކުރީގެ ޓޫރިޒަމް މިނިސްޓަރު ޑރ. މަރިޔަމް ޒުލްފާ މިއަދު އައްޔަންކޮށްފި އެވެ.
އޭނަ އެ މަގާމަށް އައްޔަން ކުރުމުގެ ކުރިން ހުންނެވީ އޮސްޓްރޭލިއާގެ މެލްބަންގެ ޑިޕާޓްމަންޓް އޮފް އެނާޖީ، އެންވަޔަރަންމަންޓް އެންޑް ކްލައިމެޓް އެކްޝަންގެ ނޭޝަނަލް ޕާކްސް އެޑްވައިޒަރީ ކައުންސިލްގެ ބޯޑު މެމްބަރެއްގެ ގޮތުގަ އެވެ.
ޒުލްފާ އަކީ އޮސްޓްރޭލިއާގެ ކާޓިން ޔުނިވާސިޓީގެ ކާޓިން ބިޒްނަސް ސްކޫލުން ޑޮކްޓަ އޮފް ފިލޯސަފީ (ޕީއެޗްޑީ) ހާސިލްކުރައްވާފައިވާ ބޭފުޅެކެވެ. އަދި އޭނަ ވަނީ އޮސްޓްރޭލިއާގެ ޔުނިވާސިޓީ އޮފް މެލްބަން އިން މާސްޓާސް އޮފް ޕަބްލިކް އެންޑް އިންޓަނޭޝަނަލް ލޯ (އެލްއެލްއެމް) ހާސިލްކުރެއްވުމުގެ އިތުރުން ނިއުޒިލޭންޑްގެ ވައިކާޓޯ ޔުނިވާސިޓީން މާސްޓާސް އޮފް ބިޒްނަސް އެޑްމިނިސްޓްރޭޝަން (އެމްބީއޭ) ހާސިލްކުރައްވައިފަ އެވެ.
މިހާރު ވެރިކަން ކުރާ ޕާޓީ، ޕީއެންސީގެ މެންބަރެއްގެ ގޮތުގައި ހުންނެވި ޒުލްފާ ޓޫރިޒަމް މިނިސްޓަރުކަން ކުރެއްވީ ކުރީގެ ރައީސް މުހައްމަދު ނަޝީދުގެ ވެރިކަމުގަ އެވެ.
ކައުންސިލްތަކުގެ ބެލެނިވެރި ފަރާތް، އެލްޖީއޭގެ ސީއީއޯގެ މަގާމު އެންމެ ފަހުން އަދާކުރެއްވީ އަފްޝަން ލަތީފެވެ. އޭނަ އެ މަގާމުން އިސްތިއުފާ ދެއްވީ މި އަހަރުގެ މެއި މަހުގެ ތެރޭގަ އެވެ. އަފްޝަން އެލްޖީއޭގެ ސީއޯއަކަށް އައްޔަންކުރީ ޖޫން 9، 2020 ގަ އެވެ.