މަކަރާއި ހީލަތުން އޮޅުވާލައިގެން އެކި މީހުންގެ ގިނަ އަދަދަކަށް ފައިސާ ނެގި މީހެއްގެ މައްސަލަ ފުލުހުން ބަލަން ފަށައިފި އެވެ.
ފުލުހުން ބުނީ އެ މީހަކީ ގ. ސިނަމާލެ 01 05-13 ޒައިދާން މުޙައްމަދު ހާޝިމް ކަމަށެވެ.
އޭނަ އަށް ތުހުމަތު ކުރެވޭ މައްސަލައާ ގުޅިގެން އިތުރު ބައެއްގެ އަތުން ފައިސާ ނަގާފައިވޭތޯ ބަލަން ބޭނުންވާ ކަމަށް ފުލުހުން ބުންޏެވެ. އެހެންވެ އިތުރު އެއްވެސް މީހެއްގެ އަތުން ޒައިދާން ފައިސާ ނަގާފައިވާ ނަމަ އެ މައުލޫމާތު ފުލުހުންގެ އިކޮނޮމިކް ކްރައިމް ޑިޕާޓްމަންޓުގެ ނަންބަރު 9790048 އަށް ގުޅައި ހިއްސާކޮށް ދޭން ފުލުހުން އެދިފައިވެ އެވެ.
ފަހަކަށް އައިސް މަކަރާއި ހީލަތުން މީހުން އަތުން ފައިސާ އަތުލުމުގެ މައްސަލަތައް ވަރަށް ބޮޑަށް އިތުރުވެފައިވެ އެވެ. އެހެންވެ މިފަދަ މީސްމީހުންނާ މެދު ފާރަވެރިވުމަށް ފުލުހުން އިލްތިމާސް ކުރެ އެވެ.