ރަޝިއާގެ މެގަޔޮޓެއް އައްޑޫގައި ބަނދަރުކޮށްފި އެވެ.
ޖަރުމަނުގައި ބަނދެފައިވާ މި ޔޮޓަކީ އެ ގައުމުގެ މަޝްހޫރު އަގުބޮޑު ޔޮޓް "ނޯޑް" އެވެ. އެންމެ ޒަމާނީ ގިނަ ވަސީލަތްތައް އެކުލެވޭ 500 މިލިއަން ޑޮލަރުގެ މި ލަގްޒަރީ ޔޮޓަކީ ރަޝިއާގެ ނުފޫޒު ގަދަ މަހުޖަނު، އެލެކްޒީ މޯޑަޝޯވްގެ އެއްޗެކެވެ. ޖުމްލަ 446 ފޫޓްގެ "ނޯޓް" އަކީ 36 މީހުންގެ ޖާގައިގެ އެއްޗެކެވެ.
"ނޯޑް" ގެ ވެރިޔާ އެލެކްޒީ، 58، އަކީ ރަޝިއާގެ ސްޓީލް އާއި މައިނިން ކުންފުނި، "ސެވާސްޓަލް" ގެ ޗެއާމަނެވެ. އޭނަގެ މިލްކިއްޔާތު 21.14 ބިލިއަން ޑޮލަރަށް އަރަ އެވެ.
ކްރިސްމަސް ފާހަގަކުރުމާއި އާ އަހަރަކާ ކުރިމަތިލާން ގާތްވަމުން އަންނަ އިރު، ރަޝިއާގެ "ނޯޑް" ރާއްޖެ އައި އިރު، އައްޑު އަކީ ޔޮޓްތައް ބަނދަރުކުރުން އާންމު ތަނެކެވެ. އަދި ރަޝިއާ މިހާރު ފާހަގަކުރެވެނީ ރާއްޖެ އަށް އެންމެ ގިނަ ޓޫރިސްޓުން އަންނަ ގައުމުގެ ގޮތުގަ އެވެ.
ދުނިޔޭގެ އެކި ހިސާބުތަކުން މިހާތަނަށް އައްޑު އަށް ވަރަސް ގިނަ އަދަދެއްގެ ޔޮޓް ޒިޔާރަތްކޮށްފައިވެ އެވެ. އޭގެ ތެރޭގައި މަޝްހޫރު ބައެއް މަހުޖަނުންގެ ޔޮޓްތައް ވެސް ހިމެނެ އެވެ.