އެންމެ ދެކުނަށް މިއަދު ވެސް ޔެލޯ އެލާޓް

ގއ. އަތޮޅުން ފެށިގެން އައްޑުއާ ހަމައަށް މިއަދު ވެސް ޔެލޯ އެލާޓް ނެރެފި އެވެ.

މޫސުމާ ބެހޭ އިދާރާ އިން އެ އެލާޓް ނެރެފައި ވަނީ ހެނދުނު 11:00 އިން ފެށިގެން މެންދުރު ފަހު 3:00 އާ ހަމައަށެވެ. އެ ވަގުތުގެ ތެރޭގައި ބޯކޮށް ވާރޭ ވެހުމާ އެކީ ގުގުރައި، ވިލާގަނޑު ގަޑިއަކު 40 މޭލަށް ވައި ގަދަވާނެ ކަމަށް ވެސް ލަފާކޮށްފައިވެ އެވެ.

އިއްޔެ ހަވީރުން ފެށިގެން އައްޑު އަށް ވަރަށް ބޮޑަށް މޫސުން ގޯސްވެފައިވާ އިރު، މިހާރު ވެސް އަންނަނީ ބޯކޮށް ވާރޭ ވެހެމުންނެވެ. މީގެ ސަބަބުން ބައެއް ހިސާބުތަކުގައި ފެންބޮޑުވެ، ދަތިތަކާ ވެސް ކުރިމަތިލާން ޖެހިފައިވެ އެވެ.

އެންމެ ދެކުނުގެ ހަތަރު އަތޮޅަށް މިއަދު ޔެލޯ އެލާޓް ނެރެނު އިރު، މި ސަރަހައްދަށް އިއްޔެ ހަވީރު 6:00 އިން ރޭ 9:00 އާ ހަމައަށް ވެސް ޔެލޯ އެލާޓް ނެރުނެވެ. އަދި މިއަދު ހެނދުނު 8:00 އިން ފެށިގެން މެންދުރު ފަހު 1:00 އަށް ބ. އަތޮޅުން ފެށިގެން ކ. އަތޮޅަށް ވެސް ޔެލޯ އެލާޓް ނެރެފައިވެ އެވެ.