ރައީސް ޑރ. މުހައްމަދު މުއިއްޒު ބައިވެރިވެވަޑައިގަންނަވާ ޖަލްސާއެއް މިރޭ ބާއްވަން ވެރިކަން ކުރާ ޕާޓީ ޕީއެންސީން ނިންމައިފި އެެވެ.
އެ ޕާޓީން ބުނީ އެ ޖަލްސާ އޮންނާނީ މިރޭ 8:15 ގައި ދަރުބާރުގައި ގޭގައި ކަމަށެވެ. އެހެންވެ ސަރުކާރަށް ތާއީދުކުރާ އެންމެންނަށް ދައުވަތު ދޭ ކަމަށް ބުންޏެވެ. ޕީއެންސީން ބުނީ އެ ޕާޓީގެ ކޯލިޝަންގެ ވަރަށް ހާއްސަ ޖަލްސާއެއް ކަމަށެވެ.
މިއީ މިދިޔަ މަހުގެ 17 ގައި ވެރިކަމުގެ ހުވާކުރެއްވި ފަހުން، ޕީއެންސީގެ ޖަލްސާއެއްގައި ރައީސް މުއިއްޒު ރަސްމީކޮށް ބައިވެރިވެޑައިގަންނަވާ ފުރަތަމަ ފަހަރެވެ. ޕީއެންސީގެ ޓިކެޓްގައި އެ މަނިކުފާނު ރިޔާސީ އިންތިހާބު ކާމިޔާބު ކުރެއްވި ފަހުން، ޕާޓީ އަށް މެންބަރުން އިތުރުކުރުމުގެ މަސައްކަތް އަންނަނީ ވަރަށް ބާރަށް ކުރަމުންނެވެ.
އެ ޕާޓީން ބުނާ ގޮތުން މިހާރު މެންބަރުންގެ އަދަދު 35،000 އަށް އަރަ އެވެ.