ރައީސް ޑރ. މުހައްމަދު މުއިއްޒުގެ ސަރުކާރަށް އަލީ ރަމީޒު ބަހުގެ ހަމަލާއެއް ފޮނުވައިފި އެވެ.
އެ މަނިކުފާނު ވެރިކަމަށް ގެންނަން ވަރަށް ބޮޑަށް މަސައްކަތްކުރި ސަލަފު ޖަމިއްޔާ އަށް ނިސްބަތްވާ އަލީ ރަމީޒު ވަނީ މުއިއްޒާ ދެކޮޅު ކެމްޕޭން ކުރި ބަޔަކަށް ވަޒީފާ ދެމުންދާ ކަމަށް ބުނެ ސޯޝަލް މީޑިއާގައި ނުރުހުން ފާޅުކޮށްފަ އެވެ.
"މުއިއްޒާ ދެކޮޅަށް ފާޅުގައި ނުކުމެ ކެމްޕޭން ކުރި ބައެއް މީހުންނަށް ބޮޑެތި މަގާމުތައް ދެމުން މި ދަނީ ކޮން އެޖެންޑާއެއްގެ ދަށުންބާ؟" ސަރުކާރުން ސިޔާސީ މަގާމުތަކަށް އިޝާރާތްކޮށް އޭނަ ސުވާލު އުފައްދާފައިވެ އެވެ.
އަލީ ރަމީޒުގެ ޕޯސްޓް ނިންމާލާފައި އޮތީ #ޑާޓީޕޮލިޓިކްސް އޭ ބުނެފަ އެވެ.
މި ސަރުކާރުން މިހާތަނަށް ވަރަށް ގިނަ ސިޔާސީ މަގާމުތަކަށް ބޭފުޅުން ހަމަޖައްސާފައިވާ އިރު، އޭގެ ތެރޭގައި މުއިއްޒާ ޕީއެންސީ/ޕީޕީއެމް އަށް ކުރިން ނިސްބަތް ނުވާ މީހުން ވެސް ހިމެނެ އެވެ. އޭގެ ތެރޭގައި ކުރިން އެމްޑީޕީ އަށް ނިސްބަތްވި މީހުން ވެސް ހިމެނެ އެވެ.